कृति लोकार्पण तथा गजल वाचन समारोह सम्पन्न

काठमाडौँ । काव्य प्रेमी समूहको आयोजनामा २०८१ चैत २ गते राष्ट्रिय नाचघर जमलको प्रेक्षालयमा कृति लोकार्पण तथा गजल वाचन समारोह सम्पन्न भएको छ ।

नेपाल गजल प्रतिष्ठानका अध्यक्ष लालकाजी श्रेष्ठज्यूको अध्यक्षतामा र गजलकार रवि प्राञ्जलको प्रमुख अतिथ्यमा सम्पन्न उक्त कार्यक्रममा विशिष्ट अतिथि करुण थापा, डा.प्रदिपकुमार मैनाली, शंकर कोइराला, भुवन निस्तेज, घनेन्द्र ओझा, राधा कणेल,विष्णु प्रसाद आचार्य, बिनोद बिम्बित, गुमनाम मुसाफिर, भोजराज घिमिरे लगायत सयौँ गजलकार एवं गजल अनुरागीहरूको बाक्लो उपस्थिति रहेको थियो ।

कार्यक्रममा आयोजक संस्थाको तर्फबाट गजलकार दिपेन्द्र सुनामीले स्वागत मन्तव्य तथा विशेष अतिथि करुण थापाले शुभकामना मन्तव्य राख्नुभएको थियो ।

कार्यक्रममा गजलकार प्रमोद थापाको गजल कृति “अन्दाज “, अनजान यात्रीको “आगोको होली “ र आँचलकुमार शर्माको “रुद्राक्ष“ गरी तीनओटा गजल सङ्ग्रहको लोकार्पण भएका थिए । कृति विमोचन कार्यक्रममा समीक्षक भुवन निस्तेजले तीनैओटै कृतिमाथि समीक्षा प्रस्तुत गर्नु भएको थियो । दुई चरणमा विभाजन गरिएको उक्त समारोहको दोस्रो चरणमा तीनै कृतिका गजलकारहरूले पालैपालो चार चार गजल वाचन गरेका थिए।

गजलकार प्रमोद थापाका यिनै शेरहरूबाट सुरु भएको वाचन कार्यक्रमको मध्यमा अनजान यात्रीले आफ्ना शेरहरू सुनाउनुभयो ।

लगत्तै गजलकार आँचलकुमार शर्माले आफ्ना गजलहरू सुनाउनुभयो ।

दीप श्री क्रिएटिभ मिडियाका प्रबन्ध सञ्चालक तथा साहित्यकार दिपक लामिछानेले सञ्चालन गर्नु भएको कार्यक्रम निरन्तर वाह ! वाह ! र तालीको गडगडाहटका बिच सम्पन्न भएको थियो ।