श्रीमतीमाथि तातो तेल खन्याएर आगो लगाएको आरोपमा श्रीमान् पक्राउ

काठमाडौं, कञ्चनपुरमा श्रीमतीमाथि तातो तेल खन्याएर आगो लगाएको आरोपमा एक पुरुष पक्राउ परेका छन्।

जिल्ला प्रहरी कार्यालय कञ्चनपुरका अनुसार भीमदत्त नगरपालिका–८ तिलाचौरका ३४ वर्षीय अशोक भट्टलाई प्रहरीले नियन्त्रणमा लिएको हो।

प्रहरीका अनुसार २०८२ पुस १५ गते भान्सामा सेलरोटी पकाउँदै गरेकी आफ्नी श्रीमतीमाथि भट्टले तातो तेल खन्याएर आगो लगाएको आरोप छ।

उनीविरुद्ध तेजाब तथा अन्य रासायनिक, जैविक वा विषालु पदार्थ प्रयोग गरी कुरूप पार्न नहुने सम्बन्धी कसुरअन्तर्गत अनुसन्धान अघि बढाइएको जिल्ला प्रहरीले जनाएको छ।