क्षेत्रीय शिखर सम्मेलनमा सहभागी आईजीपी कार्की स्वदेश फर्किए

काठमाडौं,  प्रहरी महानिरीक्षक (आईजीपी) दानबहादुर कार्की सङ्गठित अपराधसम्बन्धी क्षेत्रीय शिखर सम्मेलनमा सहभागी भएर आज स्वदेश फर्किएका छन्।

साउन ४ र ५ गते थाइल्याण्डको बैंककमा अमेरिकी सङ्घीय अनुसन्धान ब्यूरो (एफबीआई) र रोयल थाई पुलिसको संयुक्त आयोजनामा सम्मेलन भएको थियो।

नेपाल प्रहरीका अनुसार सम्मेलनमा अन्तर्राष्ट्रिय सङ्गठित अपराध, साइबर ठगी तथा सीमापार अपराध नियन्त्रणका लागि विश्वव्यापी सहकार्य, सूचना आदानप्रदान र प्रभावकारी अन्तर्राष्ट्रिय समन्वयका विषयमा विस्तृत छलफल भएको थियो।