एमाले कार्यकर्ता कांग्रेस प्रवेश

कुन्तावेंशी÷महादेवस्थान वडा नं. ७ का युवाहरुले नेकपा एमाले छाडेर नेपाली कांग्रेसमा प्रवेश गरेका छन् ।
मंगलबार नेपाली कांग्रेसका जिल्ला सचिव अच्यूत प्रसाद पौडेल, क्षेत्रीय सभापति सुन्दरमणि आचार्य र महादेवस्थान गाउँ समितिका सभापति रामहरि सापकोटाले एक कार्यक्रमका बीच नेपाली कांग्रेसको सदस्यता वितरण गरेका छन् ।
नेकपा एमालेका पूर्व जिल्ला सचिव एवं संसदीय र संविधानसभाको निर्वाचनमा उठेका विदुर सापकोटाको वडा र एमालेको गढ भनेर चिनिने उक्त वडाबाट नेपाली कांग्रेसमा प्रवेश गरेको गाउँ सभापति सापकोटाले जानकारी दिए ।
नेकपा एमाले छाडेर कांग्रेसमा प्रवेश गर्नेहरुमा सुरेशकुमार श्रेष्ठ, रामप्रसाद तिमल्सिना, सुदिप तिमल्सिना, राजकुमार लम्साल, सुदन सापकोटा, सुनिल नेपाल, निरञ्जन सापकोटा, दिनेश सापकोटा, विष्णु तिमल्सिना, रामकृष्ण नेपाल, हरि नेपाल, उपेन्द्र नेपाल, सरोज खनाल, श्यामबहादुर सापकोटा, माधव सापकोटा, रामभक्त श्रेष्ठ, प्रविण श्रेष्ठ र रामहरि सापकोटा लगायत ३५ जना थिए ।