जिल्ला कारागारको दुरावश्था -क्षमता भन्दा तेव्वर कैदी

धुलिखेल ÷ जिल्ला कारागार कार्यलय काभ्रेमा क्षमता भन्दा तेव्वर कैदी छन् । ६६ जनाको क्षमता रहेको काभ्रेमा हाल १ सय ६६ केदी बन्दी छन् । यसले गर्दा व्यवस्थापनमा समस्या हुँदै आएको छ । यसले सुरक्षा संवेदनशीलता अझै बढाएको छ । विहिवार त एक जना कैदी बन्दीको त कारागार भित्रै मृत्यु समेत भयो । सुरक्षासँगै यहाँ भित्रका कैदीको दैनिकी समेत कष्टकर बन्दै आएको छ । जनजीवन दुई जना सुत्ने ठाउँमा चार जना सुत्नु पर्ने बाध्यता छ । खाटमा को सुत्ने भनेर कैदीमा प्रतिस्पर्धा नै हुन्छ । “मौका मिल्ने वित्तिकै आँखा झिम्क्याउन नपाइ अर्को आएर सुत्छ । ” कारागारका एक कैदीले भने । भुईमा सुत्नको लागि समेत पर्याप्त ठाँउ छैन । कारागारको भवन समेत जीर्ण बन्दै गइरहेको छ ।
कारागारमा झण्डै ३० को हाराहारीमा मानसिक रोगी छन् । जेलर मातृका प्रसाद दाहालले क्षमता भन्दा बढी कैदी भएको कारणले पनि व्यवस्थापन गर्न समस्या भएको बताए । “क्षमता भन्दा वढी कैदी छन्, त्यसकारण व्यवस्थापनमा समस्या भैरहेको छ । ” उनले भने ।
राजधानीसँग नजिक रहेको जिल्ला भएकाले पनि केन्द्रिय कारागारले पनि बन्दीलाई काभ्रे पठाउने गरेको छ । यही कारणले पनि काभ्रेमा कैदीको संख्या बढ्ने गरेको छ । जिल्ला प्रशासन कार्यलयले १ हजार जना सम्म कैदी बन्दी अट्ने सुविधा सम्पन्न खुल्ला कारागार निर्माणको लागि निर्देशन दिएपनि त्यो हुन सकेको छैन । जिल्ला कारागारको आफ्नै जग्गा नहुनु र उपयुक्त स्थानमा जग्गा नपाउनुले पनि खुल्ला कारागार बनाउने योजना सफल हुन सकिरहेको छैन ।