कात्तिकेदेउरालीमा स्वास्थ्य शिविर गाउँमा नै सेवा पाउँदा खुशी भए कोशीपारी वासी

कोशिपारी ÷ मादनकुँडारीकी ६३ बर्षीय कान्छी लामा गाँउमा नै स्वास्थ सेवा लिन पाएकोमा खुशी देखिइन् । उनले शुक्रवार कातिकेदेउरालीमा भएको स्वास्थ्य शिविरमा आफ्नो स्वास्थ्य परिक्षण गराएकी थिइन् । “गाउँमै उपचार पाइयो, काठमाण्डौँ जानु पथ्र्यो, उनले भनिन्, यस्तो शिविर त ६ ÷ ६ महिनामा होस् । ”
उनीसँगै आएकी उनकी जेठानी ६५ बर्षीय साइली लामाले पनि शिविरमा स्वास प्रश्वासको उपचार गराइन् । उनी पनि गाउँमा नै सेवा पाएकोमा खुशी छिन् । “यही उपचार पनि पाइयो, औषधी पनि सित्तैमा दिए । ” उनले भनिन् ।
प्रभा एल्मुनाई एशोसिएसन, परोपकार प्राथमिक उपचार केन्द्र र सोसाइटी फर वेलफेयरले काभ्रेका ६ गाविसलाई लक्षित गरी देउरालीमा २ दिने स्वास्थ्य शिविर गरेको हो । १० जना डाक्टर, ६ नर्स सहितको टोलीले २ दिन कोशिपारी नै बसेर स्वास्थ्य सेवा दिएका थिए । शिविरमा १३ सय ३० जनाले दाँत, नाक, कान, घाँटी लगायत सम्पुर्ण स्वास्थ्य सेवा लिएको आयोजक प्रभा एलमुनाइका उपाध्यक्ष विकु लामाले जानकारी दिए । समान डेन्टल कियरको प्राविधिक टोलीको सहयोगमा ७ सय जनाले दन्त सेवा लिएका थिए । आफु जन्मे हुर्केको स्थानमा आएर सेवा गर्ने उद्धेश्यले शिविरको आयोजना गरिएको अध्यक्ष झम्कप्रसाद चौलागाईले जानकारी दिए । शिविरमा निशुल्क औषधी समेत वितरण गरिएको थियो । शिविरको लागि गौतम मेडिसिन सप्लायर्स, ओम फर्मासिटिकल्स, आकाश मेडिसिन डिस्ट्रिव्युटर, यसआर ड्रग सप्लायर्स, जिडि फर्मासिटिकल्स लगायतले औषधी सहयोग गरेका थिए । एल्मुनाई एशोसिएसन प्रभा उच्च माध्यमिक विद्यालयमा अध्ययनरत पुर्व विद्यार्थीहरुको संस्था हो ।

सकेसम्म निशुल्क सेवा दिन्छु ः डा. देवेन्द्र

मादनकुँडारीमा जन्मेको हुँ । ३ ÷ ४ बर्षको उमेरमा नै पाँचखाल गएका हौँ । ४ कक्षासम्म नवप्रतिभा इंगलिस स्कुलमा पढेको हुँ । त्यसपछि एकैपटक गोल्डेन फ्युचर उमाविमा पढेको हँु । कक्षा जम्प गरेकाले ७ र ८ कक्षा दुवैमा फेल भएँ । एसएलसीमा भने विद्यालय भरीमा नै तृतीय भए । उच्च मावि ह्वाइटहाउसमा पुर्ण छात्रवृतिमा पढेको हुँ । १ बर्ष अगाडी वंगलादेशवाट एमविविएस सकाएको हुँ ।
वाल्यअवश्थामा साह्रै दुख कष्ट भोगियो । खान लाउन समेत समस्या थियो । बुबा पदमप्रसाद गौतम र आमा विमला गौतमले दुख गरेर यो ठाँउमा पु¥याउनु भएको हो । बाल्यअवश्था देखि नै डाक्टर बन्छु भन्ने थियो । ६ महिना देखि वीर अस्पतालमा निशुल्क सेवा दिइरहेको छु । सकेसम्म जीवनभरी निशुल्क सेवा दिने सोच बनाएको छु । आफु जन्मेको ठाँउमा केही गरौँ भनेर अहिले कोशिपारीमा मेरै नेतृत्वमा स्वास्थ्य शिविर गरेको हौँ ।