सकियो सहकारी महोत्सव

बनेपा ÷ काभ्रेमा पहिलो पटक आयोजना गरिएको सहकारी महोत्सव सकिएको छ । जिल्लामा कृयाशिल विभिन्न सहकारी संघसंस्थाको आयोजनामा शनिवारबाट शुरु भएको महोत्सव सोमबार सकिएको हो ।
सहकारी गतिविधी आम जनसमुदायसमक्ष पु¥याउन, सहकारी उत्पादनको बजारीकरण, सहकारी संस्थाको प्रवद्र्धन, सुढृदीकरण र व्यवस्थापनको लागि महोत्सव गरिएको थियो । ।
महोत्सवमा कृषिजन्य, पशुपालन, घरेलु उत्पादन, हस्तकला लगायतका सहकारी उत्पादनहरुका ५० स्टल थिए । महोत्सव अवधीभर ३५ हजार जनाले अवलोकन गरेको र २० लाख वरावरको कारोवार भएको स्टल व्यवस्थापन उपसमितिका संयोजक जितेन्द्र नकर्मीले जानकारी दिए । महोत्सवमा गरिएको निशुल्क स्वास्थ्य शिविरमा ३ सय १ जनाको स्वास्थ्य परिक्षण, १ सय ५९ जनाको दन्त परिक्षण र २४ जनाले रक्तदान गरेको स्वास्थ्य उपसमितिका संयोजक सोमप्रसाद हुँमागाईले जानकारी दिए । महोत्सवमा सहकारी अन्तरक्रिया तथा गोष्ठी समेत गरिएको थियो ।
समापन कार्यक्रममा नेपाल केन्द्रिय बचत तथा ऋण सहकारी संघ (नेफस्कनु) का अध्यक्ष मिनराज कँडेल, काभ्रेका स्थानीय विकास अधिकारी गोविन्द बहादुर कार्की, डिभिजन सहकारी कार्यलय काभ्रेका प्रमुख सहकारी अधिकृत हरिप्रसाद पौडेल, केन्द्रिय फलफुल तथा तरकारी उत्पादक सहकारी संघका अध्यक्ष विनोद पराजुली, जिल्ला सहकारी संघ काभ्रेका अध्यक्ष शुभ अधिकारी, काभ्रेपलाञ्चोक जिल्ला बचत तथा ऋण सहकारी संघका अध्यक्ष रामहरी केसी लगायतले सहकारी विकासको मेरुदण्ड भएको बताए ।
महोत्सव पछि जारी घोषणापत्रमा जिल्लालाई सहकारीको अध्ययन केन्द्रको रुपमा विकास गर्ने जनाएको छ । “एक परिवार एक सहकारी सदस्य ”अभियानलाई अझ प्राथमिकताको साथ अगाडी बढाउने पनि आयोजकले जनाएका छन् । कार्यक्रममा उत्कृष्ट सहभागिता जनाउने शंखु उपत्यका सहकारी संञ्जाल, विहावर क्षेत्र सहकारी संञ्जाल, पाँचखाल उपत्यका सहकारी सञ्जाल, जनजागृती तरकारी उत्पादक सहकारी संस्था र मोडेल बचत तथा ऋण सहकारी संस्थालाई कदरपत्र प्रदान गरिएको थियो । कार्यक्रममो समापन कार्यक्रममा विभिन्न कलाकारहरुले सास्कृतिक प्रस्तुती दिएका थिए ।