युवा छनौट गर्दै नेपाली कांग्रेस काभ्रे

काभ्रे । आगामी मंसिर ४ गते हुन गईरहेको निर्वाचनलाई लिएर विभिन्न राजनीतिक दलहरु उम्मेदवार छनौटमा तल्लीन भएका छन् ।
यसैबीच नेपाली कांग्रेस काभ्रे जिल्ला समितिले नेपाली कांग्रेस काभ्रे प्रतिनिधि सभा २ अन्तर्गत बागमती प्रदेश सभा ‘ख’ को प्रत्यक्षतर्फ एक मात्र सामाजिक अभियान्ता महिला नेतृ ईश्वरी बादे श्रेष्ठलाई सिफारिस गरेको छ । त्यसैगरी बागमती प्रदेश १ ‘ख’ सभा सदस्य पदका लागि समानुपातिक सदस्यतर्फ युवा इन्जिनियर भरत प्रसाद बञ्जारालाई सिफारिस गरेको छ ।
सिफारिस श्रेष्ठ नेपाली कांग्रेस नगर उपसभापति हुँदै विभिन्न संघसंस्थाको नेतृत्वको साथमा नेपाल महिला संघको विभिन्न जिम्मेवारीमा रहँदै राजनीतिक जीवन व्यतित गर्दै आउनुभएको छ । जसका कारण नेपाली कांग्रेसले महिलाप्रति न्याय गरेको आभाष मिलेको मतदाताहरुको बुझाई छ । शालिन एवं भद्र स्वभावकी धनी श्रेष्ठले तल्लो स्तरका विपन्न परिवारका लागि संस्थागत र व्यक्तिगत रुपमा अनुकरणीय सहयोग पु¥याउँदै आउनुभएको छ ।
बञ्जारा विगत १५ वर्षदेखि राजनीतिमा उच्च सक्रियता सँगसँगै इन्जिनियरिङ्ग पेशामा समेत सफल व्यक्तित्व हुन् । स्थानीय तहमा इन्जिनियरको भूमिकामा लामो अनुभव सहित संयुक्त राष्ट्र संघीय विकास परियोजना युएनडिपीमा स्थानीय शासन विज्ञको रुपमा पाँच वर्ष काम गरेको अनुभव बटुलेका इन्जिनियर बञ्जारा नेपाल इन्जिनियर्स एशोसियशन काभ्रे शाखाका संस्थापक अध्यक्ष समेत हुन् । नेपाली कांग्रेस इन्जिनियरङ्ग विभाग काभ्रेमा संस्थापक उपाध्यक्षको भूमिकामा समेत काम गरेका राजनीतिक रुपमा सक्रिय छन् ।
नेपाली कांग्रेस पनौती नगर समिति सदस्य भई सफल राजनैतिक क्रियाकलापमा संलग्न उहाँ निरन्तर ३ पटक क्षेत्रीय प्रतिनिधि निर्वाचित भइसक्नु भएको छ ।