रेडक्रसको यात्रामा कोसेढुंगा सावित भएको छ ः अध्यक्ष दाहाल

काभ्रे । नेपाल रेडक्रस सोसाइटी काभ्रे शाखाद्वारा आयोजित निर्वाचन सम्बन्धी कार्यक्रमलाई सम्बोधन गर्दै कार्यक्रमका प्रमुख अतिथि दिपक दाहालले रेडक्रस जस्तो मानवीय संस्थामा राजनीतिक छिद्र हुनुहुँदैन ।
जुन किसिमको नमूना प्रस्तुत गर्दै निर्वाचन सम्पन्न भएको छ, यसले रेडक्रसको क्षेत्रमा कोसेढुंगा सावित गरेको मैले महसुस गरेको छु । टौखाल उपशाखाको जस्तै अनुकरणीय कार्य अन्य क्षेत्रमा पनि हुनेछ भन्ने अपेक्षा आफूले राखेको नेता दाहालले खुलासा गर्नुहुँदै रेडक्रस उपशाखासँग हातेमालो गरेर सामाजिक क्षेत्रमा समर्पित हुनका लागि कुनै कसुर बाँकी नराख्ने बताउनुभएको छ ।
कार्यक्रममा निर्वाचन समितिका सदस्य राजु सिग्देल, गोकुल बानियाँको टोलीले टौखाल उपशाखाको निर्वाचन सम्पन्न गरेको छ । सर्वसम्मत रुपमा सम्पन्न निर्वाचनले उपशाखा सभापतिमा नकुल श्रेष्ठ, उपसभापतिमा मिरा चापागाईं पौडेल, सचिवमा अक्कलसिं थापा, कोषाध्यक्षमा सुरेन्द्र तामाङ, सहसचिवमा प्रल्हाद शर्मा हुमागाईं, सहकोषाध्यक्षमा ऋषिराम सापकोटा, महिला सदस्यमा सुशिला सुवाल र सदस्यहरुमा राजन बञ्जारा, नरबहादुर बस्नेत, सुमन अधिकारी, ईश्वर बञ्जारा निर्विरोध निर्वाचित हुनुभएको छ ।
निर्वाचनपश्चात् प्रतिबद्धता जाहेर गर्दै उपशाखा सभापति नकुल श्रेष्ठको भनाई छ– रेडक्रसलाई रेडक्रसकै रुपमा अगाडि बढाउने छु । अतितमा के भए, त्यता नजाउँ, त्यसबाट पाठ सिकेर रेडक्रसलाई मानवीय संस्थाको धरोहरको रुपमा स्थापित गराउन यो निर्वाचित टिमले सहयोग पु¥याउने छ भन्ने विश्वास राखेको प्रतिबद्धता जनाउनुभएको छ । रेडक्रसको सिद्धान्त बेगर कहिँकतैबाट दबाब आएमा आफू त्यसका विरुद्ध प्रतिकारमा उभिने खुलासा समेत सभापति श्रेष्ठले सम्बोधनका क्रममा व्यक्त गरेका छन् ।
नेपाल रेडक्रस सोसाइटी काभ्रे शाखा अन्तर्गत रहेका २९ ओटा उपशाखाहरुको निर्वाचन मंगलबार सम्ममा सम्पन्न भएको छ । २ वटा उपशाखा बाहेक २७ वटा उपशाखामा सर्वसम्मत रुपमा नेतृत्व चयन भएको जिल्ला सभापति रघुनाथ हुमागाईंले बताउनुभएको छ ।
यो अभियानमा प्रत्यक्ष, अप्रत्यक्ष रुपमा सहयोग पु¥याउनुहुने सम्पूर्ण मतदाताहरु रेडक्रसका अभियान्ताहरु सबैमा रेडक्रस काभ्रे शाखाको तर्फबाट आभार व्यक्त गर्नुभएको छ ।