लायन्सको सहयोगमा बन्ने भए आधुनिक भवन

काठमाडौं । लायन्स क्लब इन्टरनेशनल एमडी ३२५, डिष्ट्रिक्ट ३२५ आइ नेपालले रिडिष्ट्रिङ्ग पश्चात विभिन्न क्षेत्रमा आफ्नो उपस्थितिलाई दर्बिलो रुपमा पेश गरेको छ ।
पछिल्लो परिणाम अनुसार लायन्स क्लब्स् अन्तर्राष्ट्रिय गुठी (LCIF) बाट डिष्ट्रिक्ट ३२५ आई नेपालले पेश गरेका विभिन्न योजनाहरुमध्ये पोखरा–१२ स्थित श्री सितलादेवी सामुदायिक विद्यालयमा भान्साघर, डाइनिङ्ग हल, भान्सा सामाग्री तथा कुर्ची टेबलको लागी एक लाख अमेरिकी डलर तथा बेनी स्थित म्याग्दी मल्टिपल कलेजको साइन्स ल्याब निर्माण तथा यसका लागी आवश्यक सामाग्रीको निम्ती एक लाख अमेरिकी डलर गरी जम्मा दुइ लाख अमेरिकी डलर (नेपाली रु. २ करोड ६४ लाख) प्राप्त हुने भएको छ ।
उक्त योजनाहरुका बारेमा जानकारी दिँदै डिष्ट्रिक्ट गर्भनर लायन रामबहादुर बस्यालले हामीले इन्टरनेशनलमा पेश गरेको योजनाहरुमध्ये हाललाई माथि उल्लेखित भएका योजनाहरु अनुमोदित भएको जानकारी गराउनुहुँदै बाँकी योजनाहरु पनि इन्टरनेशनलले छिट्टै सम्बोधन गर्ने विश्वास राखेको विज्ञप्तिमार्फत् जानकारी गराउनुभएको छ । गर्भनर लायन बस्यालद्वारा हस्ताक्षरित विज्ञप्तिमा भनिएको छ, यो खुशीको खबर नेपाली जनतामा राख्न पाउनु हाम्रा लागि अहोभाग्यको विषय भएको छ । आगामी दिनमा यस्तै सुखद सूचनाहरु सम्प्रेषण गर्ने अवसर मिल्नेछ भन्नुहुँदै जहाँ विपद् त्यहाँ लायन भन्ने भावनालाई आत्मसाथ गर्दै गत आर्थिक वर्षमा म्याग्दी लगायतका भूभागमा आएको विपद्हरुमा मलमपट्टि लगाउन जुन किसिमको योगदान लायन्स इन्टरनेशनलले पु¥याएको छ, त्यसका लागि डिष्ट्रिक्ट ३२५ आइ आभार व्यक्त गर्दछ भनिएको छ ।
यस किसिमको सहयोग पु¥याउनका लागि नेपालमा रहेका लायनहरुको महत्वपूर्ण योगदान रहेको छ । जसका कारण डिष्ट्रिक्ट ३२५ आइ दिन प्रतिदिन उचाइमा गइरहेको छ । यो निरन्तरतालाई कायम राख्नु प्रत्येक लायनहरुको महत्वपूर्ण भूमिका रहन्छ भन्नुभएको छ ।