महिलाका समस्यासँग लायन्सको मलमपट्टि

काभ्रे । लायन्स क्लव अफ काठमाण्डौ टेम्पल चण्डेश्वरी बनेपा, लियो क्लव अफकाठमाण्डौं टेम्पल चण्डेश्वरी बनेपा, सत्य साइ अस्पताल प्रा.लि. बनेपा र बनेपा नगरपालिका वडा नं. ९ वडा कार्यालयको संयुक्त आयोजनामा भएको एकदिने स्त्री रोग तथा महिलाहरुको पाठेघरको मुखको क्यान्सर परिक्षणमा स्थानीय सयौं महिलाहरुको सहभागिता रहेको थियो ।
पछिल्लो समय खानपान वातावरणीय प्रदुषण, चेतना अभाव लगायतको कारणले महिलाहरुमा विकराल बन्दै गएको पाठेघर सम्बन्धी समस्याका बारेमा लायन्स क्लवहरुले सकेको सेवा पु¥याउँदै आएको लायन प्रकाश श्रेष्ठले बताउनुभएको छ । आज जुन उपस्थिति रहेको छ यसले कुना कन्दरामा मात्र हैन सुविधा सम्पन्न शहरमा पनि यो समस्या डरलाग्दो रुपमा फैलिएको आभाष मिलेको बताउनुभएको छ । सोही शिविर सम्बन्धमा अध्यक्ष लायन सुरज पलाञ्चोकेको कथन थियो । आज महिलाहरुमा जुन समस्याहरु उत्पन्न भएको छ । त्यसको चुरो भनेको चेतनाको अभाव हो । महिलाहरुले आफ्नो स्वास्थ्यको ख्याल आफैले राख्न नसक्दा आज यो अवस्था आइपुगेको छ । यसतर्फ सम्बन्धित पक्ष गम्भिर नहुने हो भने यसले डरलाग्दो अवस्था ननिम्त्याउला भन्न सकिन्न । त्यसैले सामाजिक क्षेत्रमा क्रियाशील संघ संस्थाहरुले यस तर्फ गम्भिर चासो राख्न जरुरी देखिएको बताउनुभएको छ ।

उक्त शिविरमा डा. रन्जु बराल, डा. घनश्याम घिमिरे लगायतको प्राविधिक टोलीले स्क्रीनिङ तथा इको सेवा निःशुल्क प्रदान गर्नुभएको थियो । सो शिविरको स्थलगत अनुगमन प्रदेश माननीय कंचनचन्द्र बादे श्रेष्ठ, वडाध्यक्ष नृपेश बादे, जनप्रतिनिधिहरु रमेश शाही, गणेशप्रसाद सापकोटा, मनिषा तामाङ, शोभा मिजार र कर्मचारी विशालविक्रम कायस्थले गर्नुभएको थियो ।
उक्त शिविरमा ःिशुल्क औषधि र खाजा खानाको व्यवस्थापन वडा कार्यालयले गरेको लायन अधुत्तम देगम शाक्यले बताउनुभएको छ । शिविरमा १ सय २८ जना महिला र सयौं मधुमेहका बिरामीहरुले समेत सेवा लिएका थिए ।