पार्क निर्माणले धार्मिक पर्यटकमा वृद्धि

बिपशना शाक्य
काभ्रे । बनेपामा रहेको आराध्यदेवी चण्डेश्वरी मन्दिर परिसरमा निर्माण भएको पार्कले धार्मिक पर्यटकहरुको आकर्षण बढेको छ ।
यो अभियानमा नेपाल समाजवादी पार्टीका केन्द्रीय सल्लाहकार त्रिरत्न मानन्धर, बनेपा नगर अध्यक्ष श्याम प्रसाद सेवाचार्य लगायतको विशेष योगदान रहेको कृषि तथा पशुपंक्षी मन्त्रालयका पूर्व प्रमुख स्वकीय सचिव सबरकुमार प्रजापतिले बताउनुभएको छ । यो अभियानमा पूर्व वन तथा वातावरण मन्त्री एवं हालका उपराष्ट्रपति राम सहाय यादवले स्वर्णिम अक्षरमा परिणत गरिदिएर यात्रामा ईंट्टा थप्ने काम गर्नुभएको छ । उहाँले आ.ब. ०७९÷८० को बिनियोजित स्वीकृत १० लाख बजेटबाट पार्क निर्माण सम्पन्न गरिएको बताउनुभएको छ । सो सम्पन्न पार्कको अनुगमन अभियानकर्ताहरुले आज गर्नुभएको छ ।

पार्क अनुगमन गर्ने क्रममा पार्क बन्नु गौरवको कार्य हो तर जसको बिहे उसैले देख्न नपाउनु चाहिँ दुःखद पक्ष भएको बनेपा नगर अध्यक्ष सेवाचार्यले बताउँदै यस किसिमको पेलाहा प्रवृत्ति अन्त्य हुनुपर्छ र विकास निर्माण माथिको राजनीति हाबी नहुनुपर्ने धारणा राख्नुहुन्छ । विकास निर्माणमा राजनीति जोडिनु राम्रो नरहेको भन्दै आगामी दिनमा सरोकारवाला पक्षलाई सुधारिन सुझाव समेत दिनुभएको छ ।
जे भएको छ, राम्रो भएको छ । यसले धार्मिक हिसाबले मन्दिर परिसरको शोभालाई अझ उचाईमा पु¥याएको आम भक्तजनहरुको राय छ । यस्तो पवित्र स्थलमा हुने कुनै पनि पुननिर्माणका कार्य होस् या निर्माणको कार्य होस्, पारदर्शी ढंगबाट हुनुपर्ने राय समेत भक्तजनहरुको छ ।