कृषकको चुलो निभ्न दिन्नँः गौतम

काभ्रे । जिल्ला समन्वय समितिका संयोजक दीपक कुमार गौतमले लम्पी रोगका कारण मरेका गाई भैँसीको बिमाको रकम उपलब्ध गराउने ग्यारेन्टी गर्नुभयो ।
लम्पी स्किन रोगको प्रकोप बढ्दै गएको अवस्थामा बिमा कम्पनीले रकम भुक्तानी नदिने भन्ने भनाइको विषयमा समन्वय संयोजक दीपक गौतमसँग सम्पर्क गर्दा बिमाको रकम उपलब्ध गराउने ग्यारेन्टी गर्नुभयो ।
संयोजक गौतमले भन्नुभयो — कृषि प्रधान देशका कृषकहरूको हितको लागि निरन्तर आफू अगाडि बढ्ने बताउनु भयो । गाई भैंसी पालेर दूध बेचेकै भरमा चुलो बाल्नु पर्ने प्रतिबद्धता कृषकहरूको चुलो निभ्न दिन्न । रोग लाग्नु भन्दा अगाडि बाटै बिमा गरेको छ, समयमा नवीकरण भएको छ भने बिमाको रकम कुनै हालतमा लिएरै छाड्छु ।
महामारीको समयमा बिमाको रकम दिन नसकिने भन्ने भनाई लाई लिएर कृषकहरू आत्तिनु पर्दैन कृषकको पक्षमा लड्ने काम म गर्दछु गौतमले भन्नुभयो । तुरुन्तै रकम नआउन सक्छ तर केही ढिलो भएपनि लिएरै छाड्छु । तर बिमा नगरेको अस्तुहरू मर्यो भने रकम माग्ने आधार नहुने बताउनु भयो ।
नेपालमा लम्पी स्किन रोग (गाई भैंसीमा लाग्ने रोग) को प्रकोप ३५ जिल्लामा फैलिएको छ । जसका कारण कृषकहरु चिन्तित बनेका छन् । रोगका कारण कतीपय ठाउँमा कृषकको गोठ नै रित्तिएको छ । यो रोग अहिले महामारी बनेर सातै प्रदेशमा पुगिसकेको छ ।
यो रोग पहिलो पटक अफ्रिकी मुलुक जाम्बियामा सन् १९२९ मा देखिएको थियो । केही समयसम्म त्यो अफ्रिकामा सीमित रहे पनि बिस्तारै उत्तर अफ्रिका, मध्यपूर्व, युरोप र एशियासम्म फैलियो । सन् २०१९ को जुलाईमा पहिलो पटक बङ्गलादेश, चीन र भारतमा लम्पी स्किन देखिएको थियो ।
नेपालको मोरङ जिल्लामा विसं २०७७ सालको साउन २२ गते पहिलो पटक लम्पी स्किन रोग पुष्टि भएको थियो । आर्थिक वर्ष २०७७/०७८ मा आठ जिल्लाका ११ वटा पालिकामा देखिएको थियो । २०७८÷०७९ मा नौ जिल्लाका १९ पालिकामा विस्तार भएको पाइयो ।
त्यसपछि २०७९÷०८० मा खासै नदेखिए पनि अहिले आएर सातवटै प्रदेशमा लम्पी स्किन रोगको सङ्क्रमण फैलिएको छ । सुरुमा तराई र मध्य पहाडका जिल्लामा सङ्क्रमण देखिएको थियो भने अहिले उच्च पहाडी तथा हिमाली क्षेत्रमा पनि पुगेको देखिन्छ ।