मदन–शीला प्रतिष्ठानबाट दुवाल सम्मानित

काभ्रे । मदन–शीला प्रतिष्ठान, काठमाडौंले जनमत मासिकका प्रधानसम्पादक मोहन दुवाललाई ‘जनमत’ मासिक पत्रिकाका माध्यमबाट नेपाली भाषा र साहित्यको समुन्नतिका निम्ति चारदशकभन्दा बढी अवधिसम्म खटी विशिष्ट र अग्रणी भूमिका निर्वाह गर्नुभई नेपाली साहित्यिक पत्रकारिताका क्षेत्रमा पु¥याउनुभएको समुल्लेखनीय योगदानको कदर गर्दै मोहन दुवाललाई २०७६ सालको ‘मदन–शीला साहित्यिक पत्रकारिता पुरस्कार’ रकम एकलाख एक हजार सहित सम्मान–पत्र प्रतिष्ठानका संरक्षिका शीला भट्टराईले प्रदान गरिएको छ ।
प्रज्ञा प्रतिष्ठानको पारिजात कक्षमा विशिष्ट समालोचक प्रा.डा. वासुदेव त्रिपाठीको सभापतित्वमा भएको उक्त सम्मान कार्यक्रममा कवि तथा गीतकार दुर्गालाल श्रेष्ठ र आख्यानकार गीता केशरीलाई नेपाली साहित्यमा विशिष्ट योगदान पु¥याएबापत उहाँहरुलाई २०७६ र २०७७ सालको सम्मानबाट पुरस्कृत गरिएको हो । यसैगरी २०७७ सालको ‘मदन–शीला साहित्यिक पत्रकारिता पुरस्कार’ ‘दायित्व’ साहित्यिक पत्रिकाका सम्पादक रामप्रसाद पन्तलाई प्रदान गरिएको हो ।
कार्यक्रममा प्रा.डा. वासुदेव त्रिपाठी, रामप्रसाद पन्त, सन्ध्या पहाडी, बिनुबाबा अर्याल र महेश प्रसाईं लगायतले ‘रत्नश्री’ साहित्यिक पत्रिका, अन्य वाङ्मय सेवा र सिर्जनात्मक गतिविधिबारे प्रकाश पार्नुभएको थियो । उक्त कार्यक्रममा सम्मानपछि मोहन दुवालले ‘रत्नश्री’ र नेपाली साहित्यिक पत्रकारितामा ‘जनमत’ योगदानबारे बोल्दै भन्नुभयो — “‘रत्नश्री’ को नेपाली साहित्यिक पत्रकारितामा आफ्नो नाम र गरिमा बताईनसक्नु छ । रचना, अभिव्यक्ति, भानुजस्तै त्यसताकाको चर्चित साहित्यिक पत्रिका हो ‘रत्नश्री’ । यिनै साहित्यिक पत्रिकाहरुको प्रेरणाले जनमत पत्रिका प्रकाशन पछि जनमत मासिकबाट ‘जनमतको आफ्नै अङ्क–१३, जनमतको अन्तर्राष्ट्रिय अङ्क–५, जनमतः जिल्ला विशेष अङ्क–३०, जनमत साहित्यकार विशेष अङ्क–२८, जनमत विविध विषयमा विशेष अङ्क–४, जनमत मासिकमा लेखिकाहरुको अन्तर्वार्ता अङ्क–१५५, जनमत मासिकमा साहित्यकार÷ कलाकारहरुको अन्तर्वार्ता–१४८, जनमतबाट सम्मानित वाङ्मयसेवीहरु– २२९, जनमतबाट पुस्तक प्रकाशन–१५५, जनमतः शोधपत्र–६, जनमत वाङ्मय पुस्तकालयमा करिव १२ हजार पुस्तक संकलन भइसकेको र भवन पनि निर्माणको क्रममा रहेको छ ।”