भुम्लुमा घरघरमा माओवादी जनजनमा माओवादी अभियान सुरु

रचना मोक्तान

काभ्रे । नेकपा (माओवादी) केन्द्रले घर घरमा माओवादी, जनजनमा माओवादी भन्ने नारा सहित जनताको घरमा माओवादी बिशेष रुपान्तरण अभियान भाद्र १६ ग्ते देशै भरी ६ हजार ७ सय ४३ ओटा वडामा एकैसाथ उदघाटन गरेका छन् ।

यसैगरि काभ्रेको भुम्लु गाउँपालिकामा पनि दशै ओटा वडामा अभियानको उदघाटन भएको छ । अभियान उदघाटनको क्रममा वडा नम्बर आठ भुम्लुटारमा सहिद परिवार र जेष्ठ कम्युनिष्ट योद्धाहरुलाई सम्मान कार्यक्रम सम्पन्न भएको छ । भुम्लुमा अभियानको नेतृत्व गर्दै पुग्नु भएका नेकपा माओवादी केन्द्रका केन्द्रीय सदस्य लक्ष्मी गुरुङले सहिद परिवार र कम्युनिष्ट योद्धाहरुलाई सम्मान गर्दै सहिदहरुको विरतापुर्ण वलिदानले मात्र यो परिवर्तन र उपलब्धि हासिल भएको बताउदै कम्युनिष्ट योद्धाहरुको त्याग र योगदानलाई पनि भुल्न नहुने भनाइ राख्नुभयो ।गाउँ पालिकाको अध्यक्ष प्रेम बहादुर भुजेल र अभियान ८ नम्बर वडाको इन्चार्ज पनि सम्बोधन गरेका थिए भने कार्यक्रमको संचालन बिगुलदासले गर्नुभयो । त्यसै गरि वडा नम्बर १ सापिङमा पनि माओवादी केन्द्रका प्रदेश सदस्य नबिन लामाले सयौको उपस्थितिमा ब्यानर अनाबरण गरि अभियानको उदघाटन गर्दै यो आभियान माओवादी संगठनलाइ विस्तार र गठन गर्ने मात्र नभएर जनतासंगको सम्बन्धलाई सुदृढ गर्दै सिमा र कम्जोरीहरु सच्याउदै माओवादी सुधृने अभियान भएको भनाइ राखेका छन्।

जिल्ला सदस्य हिमाल र वडा अध्यक्ष लेखनाथ श्रेष्ठले सम्बोधन गरेको कार्यक्रमको संचालन कृष्ण पराजुलिले गर्नुभएको कार्यक्रमको सभापतित्व पार्टी वडा अध्यक्ष कमल गिरिले गर्नुभएको छ। त्यस्तै वडा नम्बर ७ कोलातिमा पनि केन्द्रीय सदस्य लक्ष्मी गुरुङ र पालिका अध्यक्ष प्रेम बहादुर भुजेलले सम्बोधन गरेर उपस्थित जनतासंग चौतारा सरसफाइ कार्यक्रममा सहभागि भएर अभियान उदघाटन भएको घोषणा गरेका छन् । त्यस्तै वडा नम्बर १० दोलालघाटमा पार्टी प्रदेश सदस्य ध्रुव काफ्लेले उपस्थित समुदायसंग बाटो सफा गर्दै उदघाटन गरेका छन् । त्यस्तै वडा नम्बर ३ मा जिल्ला सदस्य आशा लामा वडा नम्बर २ सिमथलीमा जिल्ला सदस्य सुर्य देब तामाङ वडा नम्बर ५ सल्लेमा जिल्ला सदस्य नम्रता तामाङ वडा नम्बर ७ फलाटे वडा अध्यक्ष द्वारिका तामाङ वडा नम्बर ४ चौबास जिल्ला सदस्य खिर बहादुर श्रेष्ठ को नेतृत्वमा कतै चौतारा कतै बाटो मन्दिर स्कुल सरसफाइ गरि अभियानको गोषणा गरेका छन भने वडा नम्बर ९ ज्याम्दीमा पार्टी वडा अध्यक्ष बिल बहादुर तामाङको नेतृत्वमा एसईई पास गरेका विद्यार्थीहरुलाइ सम्मान गरि वृक्षारोपन एवं गोडमेल गरेर अभियान उदघाटन गरेका छन ।