एकैसाथ पार्टी कार्यालय उद्घाटन गर्दै माओवादी केन्द्रको भुम्लु गाउँपालिका

काभ्रे । नेकपा (माओवादी केन्द्र) ले शुरु गरेको घर–घरमा माओवादी, जन–जनमा माओवादी भने मुल नाराको साथ जनतासँग माओवादी बिशेष रुपान्तरण अभियान अहिले देशैभरि तिब्र रुपमा चलिरहेको छ ।
सोही अनुरुप काभ्रे जिल्लाको भुम्लु गाउँपालिका नेकपा (माओवादी केन्द्र) ले एकैसाथ १० वटै वडामा वडा कार्यालय स्थापना गरेर केन्द्रीय नीति अनुरुप अभियानलाई सार्थक रुप दिँदैछ । सो अभियानमा केन्द्रीय सदस्य एवं संविधानसभाका सदस्य लक्ष्मी गुरुङ्गको नेतृत्वमा टोल टोलमा अभियानले सार्थकता लिइरहेको छ । त्यसैगरी अभियानमा प्रदेश सदस्य द्वय नबिन तामाङ्ग, ध्रुब काफ्ले पनि सँगसँगै रहेको गाउँपालिका अध्यक्ष प्रेम बहादुर भुजेलले गराउनुभएको छ ।

अभियानको नेतृत्व गरिरहनुभएका केन्द्रीय सदस्य गुरुङ्गले अभियानलाई प्रभावकारी र सशक्त बनाउन गाउँपालिकामा १८ सदस्यीय सचिवालय गठन गरेको र प्रत्येक वडामा जिल्ला सदस्यलाई वडा समितिको नेतृत्व गर्न पठाएको जानकारी दिँदै वडा नम्बर १ मा गोकुल पराजुली, नम्बर २ सुर्य देव योञ्जन, नम्बर ३ आशा लामा, नम्बर ४ मा हिमाल श्रेष्ठ, नम्बर ५ मा प्रेमा लामा, नम्बर ६ मा सन्त बहादुर लामा, वडा नम्बर ७ मा चन्द्र बहादुर तामाङ्ग, वडा नम्बर ८ मा क्रान्ति लामा, वडा नम्बर ९ मा भैरब थापा, वडा नम्बर १० मा नकुल पराजुलीलाई नेतृत्वको जिम्मेबारी दिएको बताउनुभएको छ ।

त्यसैगरी वडा–वडाको जिम्मेवारी जिल्ला सदस्यहरुलाई पनि दिइएको केन्द्रीय सदस्य गुरुङले जानकारी गराउनुभएको छ । केन्द्रीय सदस्य देखि पालिका अध्यक्ष सम्मलाई नै दुई–दुई ओटा वडाको कमाण्डर बनाएर पठाइएको छ । जसमा वडा नम्बर १ र ८ मा केन्द्रीय सदस्य लक्ष्मी गुरुङ, वडा नम्बर २ र ३ मा पालिका इन्चार्ज जनक भण्डारी, वडा नम्बर ४ र ५ मा प्रदेश सदस्य नबिन तामाङ्ग, वडा नम्बर ६ र ७ मा पालिका अध्यक्ष प्रेम बहादुर भुजेल र वडा नम्बर ९ र १० मा प्रदेश सदस्य ध्रुब काफ्लेलाई खटाइएको छ ।
अभियानको दौरानमा विभिन्न विभागहरु समेत गठन गरेको र यहि भाद्र ३० गते (भोलि) दश वटै वडाहरुमा एकैदिन नेकपा (माओवादी केन्द्र) को वडा कार्यालयहरु उद्घाटन हुने भएको छ ।