माओवादी कुनै पनि धर्म, संस्कृति, परम्पराको विपक्षमा छैन ः नेता कपाली

काभ्रे । नेकपा माओवादी केन्द्रका केन्द्रीय सदस्य एवं पनौती नगरपालिका इन्चार्ज उमा कपालीले विशेष रुपान्तरण अभियान अन्तर्गत सम्बोधन गर्दै नेपाली जनतामाथि माओवादी सम्बन्धी छरेको भ्रम चिर्ने क्रममा माओवादीहरु कुनै धर्म, संस्कृति, परम्पराको विपक्षमा नरहेको खुलासा गर्नुभएको छ ।
नेपाली महिलाहरुको महान् चाड तिजप्रति इंकित गर्दै वर्गीय हिसाबले महिलामाथि हुने शोषण, दमन, अन्याय, अत्याचारका विरुद्ध वर्षको एक पटक आफ्ना पिडाहरु फुकाएर स्वतन्त्रतापूर्वक खुशी व्यक्त गर्ने पर्वका रुपमा स्थापित तिज विशेष प्रति माओवादी कहिले पनि नकारात्मक नरहेको खुलासा गर्नुभएको छ । तिज पर्वलाई एक स्वतन्त्र दिवसको रुपमा अगाडि ल्याउनुपर्ने पक्षमा माओवादी सदैव अग्रमोर्चामा रहेको उद्घोष गर्दै कुनै पनि संस्कृति, संस्कार, परम्परा, हाम्रा गहना हुन् । त्यसैले पर्वहरुको जगेर्ना गर्नु माओवादीको दायित्वभित्र पर्दछ भन्नुभएको छ ।
अभियानकै क्रममा जनतासँग माओवादीलाई जोड्ने दौरानमा आयोजना गरिएका तिज कार्यक्रमहरु जीवनशैली सुहाउँदो हुनुपर्ने तर्फ लक्षित गर्दै भड्किलो परम्पराले हाम्रा साँस्कृतिक धरोहरहरु धरासायी पनि पर्न सक्छन् । त्यसैले भड्किलो परम्परातर्फ हाम्रो आपत्ति रहेको समेत नेता कपालीले सम्बोधनका क्रममा बताउनुभएको छ ।