पत्रकारसँग जिल्ला आयुर्वेदको अन्तरक्रिया

काभ्रे । जिल्ला आयुर्वेद स्वास्थ्य केन्द्रको आयोजनामा आयुर्वेद सेवाको प्रवर्द्धन गर्न पत्रकारहरूसँग बिहीबार अन्तरक्रिया कार्यक्रम भएको छ ।

अन्तरक्रिया कार्यक्रममा प्रमुख अतिथि जिल्ला प्रशासन कार्यालय काभ्रेका प्रमुख रुद्रादेवी शर्माले सम्बोधन गर्दै आयुर्वेद पद्धति प्राचीन पद्धति रहेको जानकारी दिनुभयो । आयुर्वेदमा आहारविहार, योग सम्पूर्ण कुरा यसैमा भएको हुँदा यसको महत्त्व र आवश्यकतालाई प्रचारप्रसार गर्दै सर्वसाधारणहरूमा जनचेतना दिनुपर्नेमा जोड दिँदै सरोकारवालाहरूसम्म पुर्‍याउन जरुरी रहेको बताउनुभयो ।
प्रताप लामाले वार्षिक कार्ययोजना प्रस्तुत गर्नुभएको अन्तरक्रिया कार्यक्रममा आ.व. ०७९-०८० को वार्षिक प्रगति समीक्षा भने जिल्ला आयुर्वेद स्वास्थ्य केन्द्रका प्रमुख डा. वशंवदम्बा कौण्डिञ्यायनीले प्रस्तुत गर्दै वर्षभरिमा आवश्यकताअनुसार औषधि नपाएको बताउनुभयो । कौण्डिञ्यायनीको कथनअनुसार जिल्ला आयुर्वेद स्वास्थ्य केन्द्रले ल्याबसहितको सम्पूर्ण सेवाहरू नि:शुल्क प्रदान गरिरहेको समेत जानकारी दिनुभयो । साथै मागअनुसारको सेवा प्राप्त भयो भने आयुर्वेदको सेवा सुविधा बढ्ने उहाँको भनाइ रहेको छ ।
उक्त कार्यक्रममा नेपाल पत्रकार महासंघ काभ्रेका अध्यक्ष बद्रीराज तिमल्सिना लगायतले मन्तव्य राखेका थिए ।