प्रगति प्रभातको प्राङ्गणमा घाम ताप्दै कविताहरु सुन्दा

निजी तथा आवासीय विद्यालय अर्गनाइजेशन नेपाल, बनेपा नगरसमितिको आयोजनामा Poet Idol प्रतियोगिता हुने र उक्त प्रतियोगिताको प्रमुख आतिथ्यता गरिदिन मलाई केही दिन अगाडि नै चिठ्ठी पठाई दिएर निश्चित गरेको थियो । ११ः१५ तिर प्याव्सन बनेपा नगरका सचिव शरणकुमार मानन्धरले मलाई लिन आइपुगे । प्रगति प्रभात विद्यालयको प्राङ्गणमा रोके र हामीहरु कार्यक्रम हुने ठाउँ अगाडि भने अनुसार बस्न गयौं । नयाँ प्रयोगको नाम दिइएको उक्त कवि गोष्ठीमा ११ वटा बनेपा नगरपालिकाभित्रका निजी क्षेत्रका विद्यालयका २१ जना विद्यार्थीहरु कविका रुपमा भाग लिएको देखियो ।
सबैजसो कविताहरु समसामयिक विषयमा केन्द्रीत भएर लेखिएका छन् । महिलाहरुका विषयमा, देशको दयनीय अवस्थाको चित्रणमा, राजनीतिमा भइरहेको बेथितिको विरोधमा, जाजरकोटतिर भएको भूकम्पको दुःखमा, इजरायल–हमासको द्वन्द्वमा लेखिएका कविताहरु वाचन गरिएका थिए ।
निर्णायकहरुमा खेमराज निरौला, कालिका त्रिपाठी पन्त रहेको उक्त कार्यक्रमको सभापतित्व गरेका थिए कुमार मानन्धरले । चन्द्र ताजपुरिया संयोजक रहेको उक्त कार्यक्रममा शरणकुमार मानन्धर, अनिता प्रजापतिहरु पनि सक्रिय थिए । करिव ३ घण्टा प्रगति प्रभातको प्राङ्गणमा घाम तापियौ ।
शरणकुमार मानन्धरको उद्घोषणमा सुरु भएको उक्त कार्यक्रमको सभापतित्व गरे कुमार मानन्धरले । प्रगति प्रभात माविको सहयोगमा सुरु भएको उक्त कार्यक्रममा पहिलो÷दोस्रो पनि प्रगति प्रभात नै भयो ।
प्रमुख आतिथ्यता गर्दै मैले मन्तव्यको क्रममा आफ्नो विचार राख्दै भनें – Poet Idol नाम दिइएको यस कार्यक्रमको आयोजना गरेर नगर प्याव्सनले जुन कविताप्रति मोह जगाउने काम गरे त्यसको लागि विशेष धन्यवाद दिन चाहन्छु । कविता अर्थात् साहित्य लेख्नु भनेको ज्ञान विस्तार गर्ने माध्यम हो । जसले तपाईंहरुलाई बौद्धिक रुपले सक्षम बनाउँछ । देशका नाम चलेका डाक्टरहरु, इन्जिनियरहरु, प्राध्यापकहरु, प्रशासकहरु पनि साहित्य लेख्छन् । उनीहरुले पनि साहित्य लेखेर आफूलाई सम्मृद्ध बनाउँछन् । साहित्य लेख्नु र पुस्तक पढ्नु गा¥होजस्तो मानिए तापनि महत्वपूर्ण छन् । विकसित देशहरुले साहित्यकारहरुको सम्मान गर्छन् । मैले पनि जीवनमा साहित्य लेखें र त्यसको उपलब्धि भनेको नै म राष्ट्रमा नै फिँजिन पाउँनु गौरवलाग्दो भयो । त्यसैले सबैले लेखन गर्नु र ज्ञानवद्र्धक पुस्तक पढ्नु अनिवार्यजस्तो बनाउनु पर्छ ।
कुमारसरले सभापतिको आसनबाट आफ्नो भनाइ राखे । खेमसरले परिणाम सनाए । स्वागत मन्तव्य चन्द्र ताजपुरियाले दिएको उक्त कार्यक्रम रोचक रह्यो ।