सवारी दुर्घटनामा एकको मृत्यु

काभ्रे । काभ्रेपलाञ्चोक जिल्लाको रोशी गाउँपालिका वडा नं. ११ डालाबेसी स्थित बि.पि. राजमार्ग सडक खण्डमा मोटरसाइकल दुर्घटना भएको छ ।
काठमाडौंबाट सिन्धुली तर्फ जाँदै गरेको बा.प्र. ०२–०२४ प ४०९२ नं. को मोटरसाइकल आफै अनियन्त्रित भई पल्टँदा सोहि दिशाबाट आउँदै गरेको बा ४ ख ७५१८ नं. को बसले ब्रेक लगाउने क्रममा बसको पछाडिको भागको बायाँ साईडको चक्काले मोटरसाइकलमा पछाडि सवार काठमाण्डौ का.म.न.पा. ११ बस्ने बर्ष ६१ कि बिन्दा गिरीको दाहिने हातमा ठक्कर दिई घाईते भएको प्रहरीले जनाएको छ ।
मोटरसाइकल चालक काठमाण्डौ का.म.न.पा. ११ बस्ने बर्ष ६१ को ज्ञानराज गिरी दाहिने हात र खुट्टामा चोट अवस्था मध्यम रहेको प्रहरीले जानकारी दिएको छ । उक्त स्थानमा ईलाका प्रहरी कार्यालय, मंगलटारबाट टोली खटाइएको थियो भने दुबै घाईतेहरुलाई उपचारको लागि धुलिखेल अस्पताल पठाइएको र बस चालकलाई प्रहरीको नियन्त्रणमा रहेको जानकारी दिएको छ ।
उक्त दुर्घटनामा मोटरसाइकल पछाडि सवार चालकको श्रीमति बिन्दा गिरीको उपचारको क्रममा मृत्यु भएको अस्पतालले जानकारी दिएको छ ।