एसईईका विद्यार्थीलाई विदाई गर्दै गणेश मावि

काभ्रे । काभ्रेको पाँचखालस्थित भमरकोटमा रहेको श्री गणेश मा.वि.ले एसईई दिएका विद्यार्थीहरूलाई एक कार्यक्रमको आयोजना गरी बिदाई गरेको छ ।
कार्यक्रममा प्रमुख अतिथि पाँचखाल वडा नं. ५ का वडा अध्यक्ष सिताराम ढु‌ङ्गानाको प्रमुख आतिथ्यतामा भएको कार्यक्रममा विद्यालय संयोजक एवम विज्ञान शिक्षक रुद्रलाल श्रेष्ठद्वारा ४.० जिपिए ल्याएका सलिना परियारलाई मायाको चिनो सहित नगद २ हजार प्रदान गर्नुभएको छ ।
सोही कार्यक्रममा समाजसेवी दुर्गा अधिकारी ‘भमरकोटे’ ले प्रथम हुनेलाई नगद ५ हजार, दोस्रो हुनेलाई १ हजार तेस्रो हुनेलाई ३ हजार सहित पुरस्कार प्रदान गरेको भने शिक्षाप्रेमी हरिशरण गिरीद्वारा नगद पुरस्कारद्वारा प्रथम, द्वितीय र तृतियलाई सम्मान समेत गरेको छ ।
विद्यालयका विव्यस अध्यक्ष राजकुमार सापकोटाको सभापतित्वमा भएको कार्यक्रममा विद्यालयको गतिविधिका बारेमा जानकारी दिइएको कार्यक्रममा विद्यार्थीहरूले साँस्कृतिक नृत्य प्रस्तुत गरेका छन् ।