अन्तर्राष्ट्रिय पिस पोष्टर प्रतियोगितामा आफ्नो बर्चश्व कायम गर्दै अधिकारी

काठमाडौं । नेपाल मोडल स्कूल, टोखा, काठमाडौंमा कक्षा ७ मा अध्ययरत आरुषि अधिकारी लायन्स अन्तर्राष्ट्रियको पिस पोष्टर प्रतियोगितमा लायन्स डिष्ट्रिक्ट ३२५ आई नेपालको प्रतिनिधित्व गर्दै १०६औं कन्भेन्सनमा आफ्नो प्रतिभा प्रस्तुत गर्ने भएकी छिन् ।
लायन्स अन्तर्राष्ट्रियको पिस पोष्टर प्रतियोगितमा लायन्स डिष्ट्रिक्ट ३२५ आई नेपालले आयोजना गरेको पिस पोष्टर प्रतियोगितामा आफ्ना सयौं प्रतिस्पर्धीलाई पछि पार्दै डिष्ट्रिक्टमा उत्कृष्ट हुन सफल अधिकारीले अष्टे«लियाको मेलबर्नमा जुलाई २१ देखि २५ सम्म हुने अन्तर्राष्ट्रिय पिस पोष्टर प्रतियोगितामा नेपालको तर्फबाट सहभागिता जनाउने मेधावी छात्राको रुपमा चयन हुनुभएको छ ।
त्यसैगरी उक्त प्रतियोगितामा लायन्स क्लब अफ काठमाडौ सामाखुसीको तर्फबाट सहभागी स्वती सदन इङ्ग्लिस बोर्डिङ्ग स्कुल, काठमाडौंका सुरिक्षा तामाङ द्वितीय र लायन्स क्लब अफ पोखरा वर्किङ्ग टुगेदरको तर्फबाट सहभागी शिशु निकेतन सेकेन्डरी स्कुल, पोखराका अनन्य केसी तृतीय भएका थिए ।
लायन्स अन्तर्राष्ट्रिय डिष्ट्रिक्ट ३२५ आइ (एमडि ३२५), नेपालले नोभेम्बर महिनामा आयोजना गरेको आन्तरिक प्रतिस्पर्धाबाट छनौट भएकी हुन् । उहाँ लायन्स क्लब अफ काठमाडौं फाइन आर्टसले आह्वान गरेको पिस पोष्टर प्रतियोगितामा सहभागिता जनाउँदै राष्ट्रियस्तरमा सफलता चुम्दै अन्तर्राष्ट्रियस्तरमा सहभागी हुने अवसरमा पुग्नुभएको छ । तीनै प्रतिस्पर्धीहरुमा बाँकी यात्राप्रति हाम्रो पनि साधुवाद रहेको छ ।