पूर्व प्रधानमन्त्री बाबुराम भट्टराई केयुको एकेडेमीया–इन्डष्ट्रि मेलामा

काभ्रे । काठमाडौं विश्वविद्यालयले शिक्षा र व्यवसायिकतालाई जोड्ने उद्देश्यले एकेडेमीया– इन्डष्ट्रि मेला सम्पन्न गरेको छ ।
कार्यक्रममा बोल्दै पूर्व प्रधानमन्त्री बाबुराम भट्टराईले पूँजी, प्रविधि, श्रम आदिको अन्तराष्ट्रियकरण भएको अहिलेको अवस्थामा अलोकतान्त्रिक स्थिरता अत्यावश्यक भएको बताउनुभएको छ । उप कुलपति भोला थापाले शिक्षालाई उद्योगसँग जोड्ने सन्दर्भमा विश्वविद्यालयले ३ मुख्य विषयमा ध्यान केन्द्रित गरेको छ ।
कार्यक्रममा रजिष्ट्रार अच्युत वाग्लेले शिक्षा, पारिवारिक जीवन र राष्ट्र विकासको अन्योत्रित सम्बन्ध रहेको बताउनुभएको छ । वाग्लेले काठमाडौं विश्वविद्यालयले देरभरका कार्यरत चिकित्सकहरु मध्ये करीब आधा जनशक्ति उत्पादन गरेको विषयमा प्रकाश पार्दै त्यसवाट चिकित्सा उद्योगमा उत्पन्न भएको अवसरको बारेमा चर्चा गर्नुभएको छ ।
कार्यक्रममा उद्योग विभागका महानिर्देशक बाबुराम गीतमले औद्योगिक विकासमा सरकारका प्रतिवद्धता र प्रयासबारे प्रकास पार्दै उद्योगमा सकारात्मक प्रभाव पर्नेगरी सफ्टवेरको निर्माण इकमर्स सम्बन्धी नीति, तथा अन्य कानुन निर्माणको तयारी मन्त्रालयले गरिरहेको बताउनुभएको छ ।
कार्यक्रममा नेपाल उद्योग वाणिज्य महासंघ उपाध्यक्ष सुरकृष्ण वैद्यले आफ्नो विश्वविद्यालय, उद्योग र सरकारको प्रत्यक्ष सम्बन्ध रहेको बताउँदै केन्द्रिय र प्रादेशिक सरकारहरुबीच शक्ति बाँडफाँट, बैकिङ तथा वित्तिय प्रणाली र शिक्षा लगायतका विषयमा नयाँ कानुन तथा नीति तर्जुमा गर्नुपर्ने बताउनुभएको छ ।
कार्यक्रममा पूर्व अर्थमन्त्री सुरेन्द्र पाण्डेले शिक्षालाई देशको आर्थिक विकासको मूल अवयवको रुपमा विकास गंन आवश्यक रहेको जिकिर गर्दै शिक्षामा बजेट थप गर्नुपर्नेमा जोड दिदै दुरगामी शिक्षाको अवधारणा लागू गर्नुपर्ने बताउनुभएको छ ।
काठमाडौं विश्वविद्यालय एकेडेमीया इन्डष्ट्रि सहाकार्य विभागका संयोजक डा. राम लामाले विश्वविद्यालयले प्रविधि, हरित उर्जा, रोजगारी प्रवद्र्धन आदिमा विशेष अनुसन्धान तथा नवप्रवर्तनका कार्यक्रमहरु लागु गरेको बताउनुभएको छ ।