संरचना बनाउँदा त्यसबाट कति प्रतिफल लिन सकिन्छ भन्ने ख्याल नराख्नु नै मुख्य समस्या होः मन्त्री केसी

बाँके । लुम्बिनी प्रदेशकी शहरी विकास मन्त्री कृष्णा केसी (नमुना) ले योजना छनोट गर्दा आवश्यकताका आधारमा गरिनुपर्ने बताउनुभएको छ । संरचना बन्नु आफैँमा नराम्रो नभएको बताउँदै मन्त्री केसीले संरचना बनाउँदा त्यसबाट कति प्रतिफल लिन सकिन्छ भन्ने ख्याल गर्नुपर्ने बताउनुभएको छ ।
सम्बोधनकै क्रममा मन्त्री केसीले संरचना बन्नु आफैँमा नराम्रो होइन, कोहलपुर बसपार्क र भ्युटावर सञ्चालनका लागि गरिएको अन्तरक्रियामा बोल्दै लगानी गर्दा अलि छिटो प्रतिफल दिने ठाउँमा लगानी गर्नुपर्छ र लगानी गर्दा अलि छिटो प्रतिफल दिने ठाउँमा लगानी गर्नुपर्ने बताउनुभएको छ ।
कोहलपुरमा अत्याधुनिक बसपार्क र भ्युटावरको संरचना तयार भइसकेकाले अब त्यसलाई कसरी सञ्चालनमा ल्याउने भनेर सबैले सोच्नुपर्ने बताउँदै उहाँले थप्नुभयो– निर्माण हुनुपथ्र्यो वा हुनुहुँदैनथ्यो भनेर अब वादविवाद गर्नुको कुनै अर्थ नभएको भन्दै बनिसकेका संरचना अब सबै मिलेर सञ्चालनमा ल्याउनुपर्ने बताउनुभएको छ ।
योजना छनोट गर्दा आवश्यकताका आधारमा गरिनुपर्नेमा विगतमा त्यसो हुन नसके पनि अब बनिसकेका संरचनालाई उपयोगमा ल्याउनुको विकल्प नभएको मन्त्री केसीको भनाइ छ । कोहलपुरमा पर्यटकीय विकासको सम्भावना अत्यधिक भएकाले भविष्यका लागि यी संरचनाबाट फाइदा लिन सकिनेमा जोड दिनुभएको छ । मन्त्री केसीले आफू यसै क्षेत्रबाट प्रतिनिधित्व गर्ने भएकाले यहाँको विकासका लागि हरसम्भव प्रयास जारी राख्ने प्रतिबद्धता समेत जनाउनुभएको छ । बाँकेका कार्यालयहरू धमाधम अन्यत्र सरिरहेकोमा चिन्ता व्यक्त गर्दै उहाँले कोहलपुरमा यातायातको शाखा भए पनि ल्याउन आफूले प्रयास गरिरहेको बताउनुभएको छ ।
यातायात कार्यालयको एउटा शाखा भए पनि कोहलपुरमा ल्याउन आफूले सम्बन्धित मन्त्रालयसँग छलफल सुरु गरिसकेको जानकारी गराउँदै कोहलपुरमा यातायातको एउटा शाखा कार्यालय जसरी ल्याउन प्रयत्न गरिरहेको मन्त्री केसीले बताउनुभएको छ ।
प्रतिनिधि हिमालबहादुर रोकायाबाट