‘बृहत् कृषि महोत्सव’ हुने

बिपशना शाक्य
काभ्रे । जिल्लाको मुख्य ब्यापारिक केन्द्र बनेपामा ‘बजारमुखी एवं निर्यात योग्य कृषिको उत्पादन, समृद्ध तथा समुन्नत काभ्रेको अभियान’ भन्ने मुल नाराका साथ यही फागुन ४ गतेदेखि ७ गतेसम्म बृहत् कृषि महोत्सव हुने भएको छ ।
उक्त महोत्सव जिल्ला समन्वय समिति काभ्रेका प्रमुख एवं बृहत् कृषि महोत्सव मुल समारोह समितिका संयोजक दिपक गौतमले जानकारी दिएका छन् ।
प्रमुख गौतमले काभ्रे जिल्लालाई कृषिमा आत्मनिर्भर बनाउन, किसानले उत्पादन गरेका कृषि उपजको बजारिकरणको ब्यवस्था मिलाउन, कृषिमा आधुनिकीकरण र ब्यवसायिकीकरण गर्न, कृषिमै रोजगारीको अवसर सिर्जना गर्न महोत्सव आयोजना गरिएको बताउनुभएको छ ।
कृषिलाई सम्मानित पेशाको रुपमा स्थापित गर्न महोत्सवले भूमिका खेल्नेछ । महोत्सवलाई भब्य, कृषि र किसानको हितमा बढीभन्दा बढी प्रभावकारी बनाउन आवश्यक रचनात्मक सुझाव दिन समेत प्रमुख गौतमले आग्रह समेत गर्नुभएको छ ।