चालक र सहचालकको स्वास्थ्यमा ट्राफिकको चासो

काभ्रे । कुशल नेतृत्व भनेको कुशलै हो । पछिल्लो समय जिल्ला ट्राफिक कार्यालय मातहतमा भएका गतिविधिलाई हेर्ने हो भने नेतृत्वको भूमिका कस्तो हुनुपर्छ भन्ने पुष्टि गर्दछ । जब जिल्ला ट्राफिक कार्यालय काभ्रेको नेतृत्व प्रमुख प्रहरी निरीक्षक जनार्दन घिमिरेले सम्हालेपछि जिल्लामा सडक दुर्घटना न्यूनिकरणदेखि ट्राफिकसँग जोडिएका अन्य गतिविधिमा समेत सुधार आएको बौद्धिक दिर्गामा चर्चाको विषय बनेको छ ।
पछिल्लो पटक सडक दुर्घटनालाई न्यूनिकरण गर्ने उद्देश्यले जिल्ला ट्राफिक प्रहरी कार्यालय काभे्रले चालक र सहचालकको स्वास्थ्य परिक्षण गरेको छ । जसले यस क्षेत्रमा सकारात्मक सन्देश प्रवाह भएको छ । यिनै विषयलाई लिएर जिल्ला ट्राफिक कार्यालयसँग आबद्ध गतिविधिका बारेमा जनस्तरबाट सकारात्मक प्रतिक्रियाहरु आउनुले नेतृत्वको सक्षमताका बारेमा चर्चा भएको हो ।
लामो तथा छोटो दुरीका सवारी चालकहरुलाई समय अभावका कारण नियमित स्वास्थ्य परीक्षणमा अध्ययनको क्रममा समस्या देखिएकाले ट्राफिक प्रहरी आफैले बृहत स्वास्थ्य शिविरको आयोजना गरेर ति समस्यालाई न्यूनिकरण गर्न प्रयत्न गरिएको जिल्ला ट्राफिक प्रहरी कार्यालय काभे्रका प्रमुख प्रहरी निरीक्षक घिमिरेले जानकारी दिनुभएको छ ।
प्रमुख प्रहरी निरीक्षक घिमिरेले लामो छोटो दुरीमा यात्रुहरु बोकेर हिँड्ने चालक सहचालकको स्वास्थ्य ठिक छ छैन र यात्रुलाई सहज रुपमा गन्तव्य सम्म पुर्याउन भन्ने उद्देश्य राखेर स्वास्थ्य परिक्षण गरिएको जानकारी गराउनुभएको छ ।
स्वास्थ्य शिविरमा ७४ जना सवारी चालक तथा सहचालकले स्वास्थ्य परीक्षण गराएका छन । परिक्षणका क्रममा अधिकाशंलाई उच्च रक्तचाप (ब्लड प्रेसर) को समस्या देखिएको प्रहरी निरीक्षक घिमिरेले जानकारी गराउनुभएको छ । सि डब्लु सि पोलिक्लिनिकको प्राविधिक सहयोगमा बनेपाको पुलबजारमा चालक र सहचालकको स्वास्थ परिक्षण गरिएको हो ।