धार्मिक सहिष्णुता कायम गर्न यस किसिमका कार्यले सहयोग प्रदान गर्ने बताउनु भएको छ: राष्ट्रपति पौडेल

काभ्रे । काभ्रेपलान्चोक जिल्लाको पनौती नगरपालिका वडा न.११ मा रहेको  बल्थलीस्थित आध्यात्मिक स्थल लड्केश्वर धाममा जारी राष्ट्रिय कोटी होम २०८० मा राष्ट्रपति रामचन्द्र पौडेल सहभागी भइ पूजा अर्चना गर्नुका साथै फूलप्रसाद ग्रहण गर्नुहुदै यस्ता किसिमका धार्मिक कार्यले सामाजिक सहिष्णु कायम गर्न सहयोग पुग्ने बताउनु भएको  छ ।

मण्डनदेउपुर नगरपालिकाको प्रशासनिक भवन उद्धघाटन गर्न काभ्रे आउनुभएका राष्ट्रपति पौडेल त्यसपछि  आध्यात्मिक स्थल कोटी होममा सहभागी हुनुभएको हो ।
उहाले कोटीहोमबाट समाज, देश र जनताको कल्याण होस भन्ने कामना समेत गर्नुभयो ।
ओमकार फाउण्डेशनको आयोजनमा २०८० फाल्गुन २ गतेदेखि लड्केश्वरमा राष्ट्रिय कोटी होम जारी छ ।

स्थानीय ब्याक्तित्व एवं बरिस्ठ संचारकर्मी महेशराज पौडेलका अनुसार, भक्तपुरका तत्कालिन राजा भुपतेन्द्र मल्लले समेत लड्केश्वर दर्शन गरेको पुरातत्व विभागका दस्तावेजमा उल्लेख छ । पनौती त्रिवेणीधाम दर्शन गर्न आएका मल्लले लड्केश्वर, पलाञ्चोक भगवती र दोलखा भिमसेन दर्शन गरेको उल्लेख छ । सोही आधार लड्केश्वरलाई प्राचिन धार्मिक स्थल मानिदै आएको छ ।
प्रत्येक बर्ष हरिवोधनी एकादशीको दिन लड्केश्वरमा मेला लाग्दै आएको छ ।