जङ्गलमा कवि गोष्ठी

नाला बनेपा, काभ्रे, माघ १२ गते शनिबार । शब्दाङ्कुर मासिकको आयोजनामा र कवि विश्व सिग्देलको सक्रियतामा नाला बनेपास्थित ‘ब्रम्हायणी पार्क’ छेउको जङ्गलमा सतरञ्ज ओछ्याइएको भुईंमा ‘भुईमान्छे कविता विशेष’ मा काभ्रे र काठमाडौंका कविहरु कविता वाचन गरेर रमाए ।
कविता वाचन कार्यक्रमको उद्घोषण गरे विश्व सिग्देलले । कवि मोहन दुवालको कविता वाचनबाट सुरु भएको उक्त कविगोष्ठीमा काभ्रेका अन्य कविहरु पुरुषोत्तम बजगाईं, निर्मला श्रेष्ठ, रामसुन्दर देउजा, रमेश सागर, नवराज दाहाल ‘उत्साही’, दियेशरत्न शाक्य, शारदा घिमिरे भैल, छवि श्रेष्ठ, विश्व सिग्देलले क्रमशः कविता वाचन गर्दै आ–आफ्नो दृष्टि र शैली कवितामार्फत् पोखे ।
भक्तपुर, काठमाडौं र ललितपुरबाट वरिष्ठ कवि शैलेन्द्र साकारलगायत अन्य कविहरु केशव सिग्देल, भीष्म उप्रेती, हरिहर तिमिल्सना, प्रोल्लास सिन्धुलियन, अभय श्रेष्ठ, सुमन थापा, केशव ज्ञवाली, लक्ष्मी थापा, सन्तोष पौडेल, टेकेन्द्र च्याम्जोङ, प्रमोद सारंग, चन्द्रबहादुर लामा, धीरकुमार श्रेष्ठ, रमि प्रिया र सञ्जय सुमन सामेल भएको उक्त कविगोष्ठीमा करिव २ घण्टामा कविहरुले कवितामात्र वाचन गरेर कविताको भावनामा मन साटासाट गरेको कविगोष्ठी महत्वपूर्ण र ऐतिहासिक रह्यो ।