काभ्रे बहिरा माविको २९औं वार्षिकोत्सव

बनेपा । काभ्रे बहिरा माध्यमिक विद्यालय बनेपाको २९ औं वार्षिकोत्सव सोमबार सम्पन्न भएको छ ।
बनेपा नगरपालिका प्रमुख शान्तिरत्न शाक्यको प्रमुख आतिथ्यता एवं बनेपा वडा नं. ९ को कार्यवाहक वडाध्यक्ष मनिषा तामाङको सभापतित्व रहेको उक्त वार्षिकोत्सवमा एसईई विदाई, अभिभावक दिवस तथा पुरस्कार वितरण गरिएको थियो । कार्यक्रममा ११ जना एसईई उत्तिर्ण विद्यार्थीहरुलाई शुभकामना दिइएको थियो भने शिक्षक धिरज अधिकारीले स्वागत मन्तव्य राख्नुभएको थियो । विद्यालयकी प्रअ कृष्ण प्यारी नकर्मीले सञ्चालन गर्नुभएको कार्यक्रममा विद्यार्थीहरुले विविध सांस्कृक्तिक एवं मनोरञ्जनात्मक कार्यक्रमहरु प्रस्तुत गरेका थिए ।
कार्यक्रममा समाजसेवीहरु रामकुमार मुल्मी, राजु सरकार, कमला कायस्थ, शर्मिला मानन्धर, जिल्ला शिक्षा समन्वय इकाईकी शाखा अधिकृत विन्दा भुर्तेल, अभिभावक, शिक्षक शिक्षिका, विद्यार्थीहरुको उपस्थिति रहेको थियो । काभ्रे बहिरा माविमा हाल ८९ जना विद्यार्थीहरु अध्ययनरत रहेका छन् ।