२०१३ सालमा घरको दलानबाट सुरु भएको स्वास्थ्य सेवा आज विश्वको उत्कृष्ट प्रविधिमैत्री हुनु आफैंमा गौरवको विषय हो : नेता बादे

काभ्रेपलाञ्चोक/ शीर मेमोरियल अस्पतालले सिटी स्क्यान सेवा शुभारम्भ कार्यक्रममा सम्बोधन गर्दै कार्यक्रमका प्रमुख अतिथि पूर्वमन्त्री एवं प्रदेश सभा सदस्य कन्चनचन्द्र बादेले तत्कालिन अवस्थामा स्वास्थ्य सेवाको अभावलाई मलहमपट्टी लगाउने अभिप्रायबाट घरको दलानमा विदेशीहरूबाट सेवा सुरु हुँदाको कथा आफैंमा मनन योग्य मात्र थिएन । त्यसले सिङ्गो मुलुकसँगै छिमेकी देशमा समेत प्रभाव छोडेको कथन आज पनि अग्रजहरूबाट सुन्न पाइन्छ । त्यो इतिहास आज सार्थक हुन पुगेको छ । समयको माग सँगै आफुलाई प्रविधिमैत्री र गुणस्तरीय सेवा प्रवाह गर्न अब्बल भएकोमा जनप्रतिनिधि र स्थानीयवासीको तर्फबाट अस्पताल परिवारप्रति कृतज्ञता व्यक्त गर्दछु ।

सम्बोधनकै क्रममा नेता बादेले शीर मेमोरियल जस्ता सामाजिक सेवामा समर्पित अस्पतालहरूलाई सहयोग दिनका लागि हालको स्वास्थ्य सम्बन्धी नीति बाधक भएको चर्चा गर्नुहुँदै तत्काल यस नीतिलाई समय सापेक्षित ढंगबाट परिमार्जित गरि मुलुकको संघीय ढाँचा बमोजिम निर्माण गर्ने योजनामा प्रदेश सरकार रहेको खुलासा गर्नुभएको छ । स्थानीय सरकारप्रति लक्षित गर्दै आफ्नो बलबुता, प्रविधि, जनशक्तिले नथेग्ने सपना नगरवासीलाई बाँढ्न नहुने चोटिलो तर्क राख्दै आफ्नो नगरभित्र रहेका शीर मेमोरियल जस्ता नाफा रहित स्वास्थ्य संस्थाहरूलाई कुन तहबाट सहयोग पु¥याउन सकिन्छ, त्यस तर्फ लागि पर्नुपर्नेमा आफैं नगर अस्पताल स्थापना गर्छु भनेर अघि सर्नु उपयुक्त नभएको आशय व्यक्त गर्दै संघीय सरकारले सञ्चालनमा ल्याएका अस्पतालहरूमा समय सापेक्षित प्रविधि र जनशक्तिको अभावमा धरासायी हुँदै गएको स्मरण समेत प्रमुख अतिथि बादेले सम्बोधनका क्रममा गराउनु भएको छ ।