होटल एसोसिएशन काभ्रेको अध्यक्षमा प्याकुरेल

काभ्रेपलाञ्चोक/ होटल एसोसिएशन काभ्रेको अध्यक्षमा होटल सारथी लिमिटेडका प्रल्हाद प्याकुरेल चयन भएका छन् । एसोसिएशन काभ्रेका निवर्तमान अध्यक्ष प्रेमकण्ठ माकाजू धुलिखेल नगरपालिकाले गठन गरेको पर्यटन परिषद्को उपाध्यक्ष चयन भएपछि समिति पुनर्गठन गरिएको हो ।

एसोसिएशनको उपाध्यक्षमा माउन्ट प्रिन्सेस होटलका ज्योत्स्ना सैंजु, महासचिवमा धुलिखेल लज रिसोर्टका जुलिया माकाजु श्रेष्ठ र कोषाध्यक्षमा होटल हिमालयन होराइजन क्षितीज श्रेष्ठ चयन भएका छन् । सदस्यहरुमा बल्थली भिलेज रिसोर्टका आशिष हुमागाईं, हिमालयन दृश्य रिसोर्टका श्यामकाजी महत, जुगल होटलका टोम सापकोटा, धुलिखेल माउन्टेन रिसोर्टका लीना खड्का श्रेष्ठ र जेरेनियम गार्डेन रिसोर्टका मनीष श्रेष्ठ छन् ।

एसोसिएशनको अध्यक्षमा निर्वाचित भएपछि प्याकुरेलले पर्यटनको प्रचुर सम्भावना बोकेको तर त्यसलाई उजागर, ब्यवस्थित, प्रचारप्रसार र सदुपयोगमा पर्याप्त ध्यान पुग्न नसक्दा समग्र जिल्ला, नागरिक र ब्यवसायीहरु समेत सोबाट प्राप्त हुने लाभबाट वञ्चित हुनुपरिरहेको अवस्था एवम् निकै चुनौतिको सामना गरिरहेको पर्यटन ब्यवसायको उत्थानका लागि यस नवनिर्वाचित कार्यसमितिले आफ्नो ठाउँबाट यथासक्य, मेहनतका साथ, ईमान्दार भूमिका निर्वाह गर्ने प्रतिबद्धता व्यक्त गरेका छन् । प्याकुरेलेले भने– ‘यस समितिको प्रमुख तीन प्राथमिकताको क्षेत्र छन् । जसमा होटल एशोसिएसन तथा यसका सदस्यहरुको संस्थागत क्षमता विकास, पर्यटकीय सम्पदाहरुको पहिचान, ब्यवस्थापन, सौन्दर्यकरण, संरक्षण र सदुपयोग र डेस्टिनेसन प्रमोसनमा केन्द्रित रही तयार गरिएको बिस्तृत कार्ययोजनामा विज्ञ, सरोकारवाला एवम् मिडियाकर्मीहरुको समेत रायसुझाव लिई सो का आधारमा कृयाकलापहरु अगाडि बढाईने हुँदा यहाँहरुको निरन्तर साथ, सहयोग र साझेदारीले काभ्रे जिल्लाको आतिथ्य क्षेत्रको उत्थान, प्रवद्र्धन र गुणस्तरीय सेवा प्रवाहमा थप ऊर्जा र नवीन दृष्टिकोण प्राप्त हुने कुराको अपेक्षा एवम् बिश्वास ब्यक्त गर्दछौं ।’