पनौतीको ढुङ्गा खानीमा पहिरो खस्दा डोजर अपरेटरको मृत्यु, एक घाइते

काभ्रेपलाञ्चोकको/ काभ्रेपलाञ्चोकको पनौती नगरपालिका वडा नं. १२ मा सञ्चालित रोशि रोडा ढुङ्गा तथा क्रसर उद्योगमा पहिरो गएको छ। उक्त पहिरोमा परि तीन जना कामदार पुरिएको जिल्ला प्रहरी कार्यालय धुलिखेलले जानकारी गराएको छ ।

पहिरोमा परेर खानिखोला २ घर भै पनौती नगरपालिका वडा न ९ बस्दै आएका डोजर अपरेटर राम तिमल्सिनाको घटनास्थलमै मृत्यु भएको छ भने त्यस्तै, पनौती–१२ का ईश्वर गुरुङ घाइते भएका छन् । सङै रहेका सञ्जय भुजेल भागेर ज्यान बचाउन सफल भएका छन्।

घटनामा दुई वटा टिपर र दुई वटा स्काभेटर समेत पहिरोमा पुरिएको स्थानीय राजेन्द्र केसीले जानकारी दिएका छन्। घाइते ईश्वर गुरुङलाई तत्काल एम्बुलेन्समार्फत उपचारका लागि बनेपास्थित शीर मेमोरियल अस्पताल पठाइएको छ।

घटनाको जानकारी पाएलगत्तै प्रहरी टोली घटनास्थलमा पुगेर आवश्यक अनुसन्धान तथा उद्धार कार्य गरिरहेको छ।पहिरो कसरी र किन गयो भन्ने विषयमा थप अनुसन्धान भइरहेको प्रहरीले जनाएको छ।