राजनीतिक शैलीले दुर्घटना बढ्दै

देशको प्रशासन, सुरक्षा, श्रम, शिक्षा  र अर्थतन्त्रको राजनीतिको अपराधिकरणले गति लिएकाले नेपालमा दुर्घटनाको खतरा बढ्दै गएको छ । पर्यटन विकासको लागि नेपालसँग प्रकृतिले दिएको सुन्दर स्रोतसाधन छन् र दुर्लभ प्राकृतिक सौन्दर्य सहित पैदल यात्रा तथा वन्यजन्तु अवलोकनका लागि अद्वितीय ठाउँहरु पनि पर्याप्त छन् ।
किन राष्ट्रिय ध्वजावाहक नेपाल वायुसेवा नियम टाट पल्टियो, उसको घोषित उडान गन्तव्यमा उडेको सुन्न पनि आश्चर्य मान्नुपर्ने भएको छ ।
पर्यटन क्षेत्र राष्ट्रिय अर्थतन्त्रको बलियो टेवा बनोस् भन्ने देशको चाहना, भूपरिवेष्ठित कमजोरीलाई खुल्ला आकाश नीतिलाई न्यून बनाउने र व्यवसायीहरुलाई प्रोत्साहन गर्न आवश्यक रणनीति चाल्नुपर्छ । सुरक्षा र सुविधा सम्पन्न अन्तर्राष्ट्रिय विमानस्थल, दक्ष र सफल वायुसेवा, प्रष्ट लक्ष्य लिएर तीव्र गतिमा प्रगतितिर उन्मुख पर्यटन क्षेत्रले थोरै समयमा नयाँ इतिहास भने निर्माण गरेको थियो ।
विमान दुर्घटना हुनुमा सरकारले ढुंगा हान्न जान्नेलाई राजदूत, कविता लेख्नेलाई वायुसेवा र सुरक्षा पदलाई लिलाममा राख्ने शैलीले विपत्ति निम्त्याउदै गएको छ । शिखर सम्मेलनका बेला भारतीय प्रधानमन्त्री राजिव गान्धि अनुभवी विमान चालक पनि भएकाले विमानस्थलको तारिफ समेत गरेका थिए ।
प्राविधिक मामिलामा राजनीतिक हस्तक्षेप नगरी अनुभवी प्राविधिकको नियुक्ति गरिनुपर्छ । चरा ठोक्किएर विमानस्थलमा हुने जोखिम सबै विमानस्थलहरुमा रहन्छ । विमानस्थलमा आधुनिक मेसिनबाट घाँस काट्ने र किरा मार्ने औषधी छर्ने व्यवस्था मिलाई चराहरु मार्ने सरकारी शिकारीलाई उपयोग गरे चरा ठोक्किएर विमान दुर्घटना हुने थिएन ।
नेपाल दक्षिण एशियामा २०४४ सालमा कङ्कई विमान अवतरण गर्ने पहिलो देश हो । पोखरा, विराटनगर, नेपालगञ्जलाई क्षेत्रीय विमान स्थलको रुपमा विकास गर्ने र पोखरामा अन्तर्राष्ट्रिय विमानस्थल निर्माणका लागि आवश्यक जग्गा अधिकरण जापानको सहयोगमा गुरुयोजना निर्माण पनि १५ वर्ष अघि शुरु भएको थियो । प्राविधिक र प्रशासनिक मामिलामा राजनीतिक हस्तक्षेप, जातिय र दलिय भागवण्डा पूर्ण रुपमा त्याग्नुपर्छ ।