पनौतीमा महिला भेला

पनौती÷नेपाल महिला संघ पनौतीको भेला नेपाली कांग्रेसका जिल्ला सभापति शिवप्रसाद हुमागाईंको प्रमुख आतिथ्यतामा सम्पन्न भएको छ ।
भेलाको उद्घाटन गर्नुहुँदै सभापति हुमागाईंले नेपाली कांग्रेसले मात्र महिलाहरुको हकहितको संरक्षण गर्ने र लोकतन्त्रको रक्षा गर्ने भएकाले महिला संघमा गोलबद्ध हुन महिलाहरुलाई आग्रह गर्नुभयो । कार्यक्रममा नेपाली कांग्रेस काभ्रे क्षेत्र नम्बर २ का सभापति रमेशप्रसाद हुमागाईं, नेपाल महिला संघ जिल्ला अध्यक्ष चन्द्रलक्ष्मी ताम्राकार, पनौती नगर सभापति केदारबहादुर भण्डारी, २ नं. वडा सभापति गोपालबहादुर थापा, शिक्षक युनियनकी उपाध्यक्ष जानुका भट्टराई लगायतले शुभकामना मन्तव्य राखेका थिए भने कार्यक्रमको सभापतित्व नेपाल महिला संघ पनौती इकाइ सभापति नानीमैंया खड्का र महिला संघ जिल्ला सचिव शुभलक्ष्मी मानन्धरले सञ्चालन गरिएको थियो ।
त्यसैगरी नेपाल महिला संघ काभ्रे गाउँ इकाइ भेला शनिबार नै सम्पन्न भएको छ । नेपाल महिला संघ केन्द्रीय सदस्य जीवना वादेको प्रमुख आतिथ्यतामा सम्पन्न भेलामा क्षेत्रीय सभापति हुमागाईं, महिला शाखा संयोजक निर्मला श्रेष्ठ, गाउँ इकाइ सभापति बद्रीप्रसाद हुमागाईं, कोषाध्यक्ष प्रेमकुमारी पौडेल लगायतले मन्तव्य राखेका थिए ।