काभ्रे काग्रेस थप आन्दोलित

धुलिखेल÷ जिल्ला विकास समिति काभ्रेले क्रमागत विकास योजना छनौटमा अनियमितता गरेको विरोधमा नेपाली काग्रेस थप अन्दोलित भएको छ । परामर्श नै नगरी एकलौटी रुपमा योजना छनौट भएपछि काग्रेसले चरणबद्ध आन्दोलनका कार्यक्रम घोषणा गरेको छ ।
विभिन्न माग सहित सात दिनको अल्टिमेट दिएको कांग्रेसले सो अवधीमा सुनुवाई नभएपछि आन्दोलन थालेको सभापति शिवप्रसाद हुँमागाईले बताए ।  चैत्र १७ देखि २६ गतेसम्म जागरण कार्यक्रम गर्ने, चैत्र २७ देखि बैशाख ५ गतेसम्म जिल्ला विकास समितिको सम्पुर्ण कार्यक्रम बहिस्कार गर्ने जनाएको छ । बैशाख १ केन्द्रीय नेताको उपस्थितीमा सभा गर्ने, बैशाख ८ गते धुलिखेल बसपार्कवाट बृहत जुलुस प्रदर्शन सहित कोण सभा गर्ने काग्रेसको तयारी छ ।
जिविसले  आफुलाई अस्विकार गरी जिल्ला परिषद् सम्पन्न गरेको विरोधमा नेपाली कांग्रेसले यसअघि ज्ञापन बुझाएको थियो । कांग्रेसले अन्तरिम संविधानको भावना र विगतका परम्परा विपरित जिविस र अन्य दलहरु अघि बढेको आरोप लगाउँदै निर्णय सच्याउन माग गरिएको थियो ।
कांग्रेसले राजनैतिक दबाबका योजनाहरु भन्दा गाउँ परिषद र इलाका परिषदबाट पारित योजनाहरुलाई प्राथमिकता दिनुपर्ने, क्रमागत योजनाहरु सम्पन्न गर्नुपर्ने,  भष्टाचारयुक्त योजनाहरुलाई तत्काल छानविन गरी कार्वाही गर्नुपर्ने, एल.जी.सि.डि.पि. लगायत अन्य संघ सस्थाका कामहरु पारदर्शी बनाउनुपर्ने माग गरेको थियो । उसले कर्मचारी नियुक्तीमा राजनीतिकरण नगरी निश्चित मापदण्डका आधारमा गर्नुपर्ने तथा जिल्ला विकास समिति अन्तर्गत सञ्चालित योजनाहरुको सामाजिक लेखापरीक्षण गर्नुपर्ने माग पनि अघि सार्दै आएको छ ।
आफुलाई अस्विकार गरिएको विरोध कांग्रेसले परिषद् बहिष्कार गरेको थियो । जिल्ला विकास समिति अन्र्तगतका सबै कार्यक्रम पनि बहिस्कार गर्दै आएको छ ।