सेक्सले आत्मीयतालाई बढाउँछ ःनायिका सुरबिना कार्की

कलाकारितामा लागेर छोटो समयमा नै आफ्नो नाम र चर्चा कमाउने रहर आम यूवायूवतीमा रहन्छ । ग्लामरको भीडमा आफूलाई होम्दै नाम र दाम कमाउने महत्वकांक्षा बोकी ग्ल्यामरको दुनियाँमा हाम फालेकी छिन्  सुरबिना कार्की । सिन्धुलीमाढीमा रकेश कार्की र सुशिला कार्कीको सुपुत्रीको रुपमा जन्मिएकी उनी चलचित्र “झेली” मार्फत रंगीन दुनियाँमा हाम फालेकी हुन् । ग्ल्यामरको रंगीन दुनियाँमा पाइला चालेको छोटो समयमा नै करिब २ण् वटा जति म्युजिक भिडियोमा काम गरिसकेकी छिन् भने चलचित्र “कात्तिक” को छायाँकनमा व्यस्त छिन् । प्लस २ मेनेजमेन्टकी विद्यार्थी उनै नायिका सुरबिना कार्कीसँग मध्यमार्ग साप्ताहिकको कला मनोरञ्जन विशेषको लागि अमरकृष्ण चन्दले गरेको कुराकानीको साराँशः–

कला क्षेत्रमा के देखेर लाग्नुभयो ?
कलाक्षेत्र मलाई मन पथ्र्यो तर कलाक्षेत्रमा नै लाग्छु भन्ने त थिएन । नाम कमाउन सकिन्छ की भनेर योक्षेत्रमा लागेकी हुँ । यस क्षेत्रमा लागेर आफूलाई र आफ्नो प्रतिभालाई सबैसामु चिनाउने अनि नाम कमाउने सौखले गर्दा यस क्षेत्रमा लागें । रहरै रहर अकि बाबाको इच्छा पनि भएकोले यो क्षेत्रमा आएकी हुँ ।
कहिलेदेखि यो क्षेत्रमा लाग्नुभयो ?
धेरै भएको छैन । एक दुई वर्ष जति भयो होला । चलचित्र “झेली”बाट म यो रंगीन संसारमा छिरेकी हुँ । ड्याडीको इच्छा यो क्षेत्रमा लागोस् भन्ने थियो । उहाँ कै सल्लाहमा मोडलिङमा मिस ग्लोबल कन्टेस्टमा उत्कृष्ट दस सम्म पुगेकी थिएँ ।
तपाईलाई नेपाली चलचित्रमा नायिका भएर अभिनय गर्न अप्ठेरो परेन ?
कुनै त्यस्तो खासै अप्ठेरो परेन । सबैको सहयोगले गर्दा सजिलै भयो । सुरु सुरुमा केहि असहज भए पनि निर्माता, निर्देशक, सहकर्मी कलाकार साथिहरुको सहयोगले केहि असजिलो महसुस नै भएन ।
झेलीमा कसरी मौक पाइयो नि ?
मलाई पनि चलचित्रमा अभिनय गर्ने रहर थियो । अमररत्न प्रोडक्सनको व्यानरमा निर्माण हुन लागेको झेलीमा निर्देशक कमल दाहालले प्रस्ताब राख्नुभयो । घर परिवारबाट पनि स्वीकृति पाएपछि त्यसमा काम गर्ने अबसर पाएँ ।
तपाईंलाई नेपाली चलचित्रमा नायिका हुन्छु भन्ने लागेको थियो ?
इच्छा त थियो तर मलाई यति सजिलै नेपाली चलचित्रमानायिका हुन्छु भन्ने लनगेका थिएन । झेलीमा काम गरेपछि म पनि नायिका भएछु भन्ने लाग्यो । छुट्टै आनन्द र खुशीको कहसुस भयो झेलीमा काम गर्न पाउँदा ।
यो क्षेत्रमा लाग्न त धेरै संघर्ष गर्नुपर्छ रे । निर्माता निर्देशकलाई खुसी पार्नु पर्छ रे ?
खोई आफूलाई त त्यस्तो लागेन ।मैले त खासै त्यस्तो संघर्ष गर्नुपरेन । झेलीको लागि उहाँहरुले नयाँ अनुहार खोजीरहनुभएको रहेछ । मलाई भेटेर प्रस्ताव गर्नुभयो । बस काम गरियो ।
झेली कस्तो पिल्म हो ?
यो फिल्म अरु नेपाली फिलभन्दा धेरै फरक छ । एक पृथक धारको चलचित्र हो । यो हाम्रै समाजमा घट्ने जालझेलको कथा बोकेको फिल्म हो ।
तपाईंको के भुमिका छ त झेलीमा ?
झेलीमा मेरो महत्वकांक्षी यूवतिको भूमिका छ । जो आफ्नो महत्वकांक्ष्ााँ पूरा गर्न जे पनि गर्न सक्ने यूवतिको भुमिकामा छु । पैसाको लागि जे पनि गर्ने ।
जे पनि गर्ने भन्नाले ?
आफ्नो महत्वकांक्षा पूरा गर्न पैसाको लागि आफ्नै साथिको बुबालाई पे्रमजाल तथा बासनामा फसाउने भूमिका छ ।
अहिलेका नायिकाहरु झैं अङ्गप्रदर्शन होला नी हैन ?
त्यति भल्गर त छैन तर हल्का त हुनै प¥यो नी ।
अहिले केमा व्यस्त हुनुहुन्छ ?
म अहिले चलचित्र कात्तिकको छायाँकनमा व्यस्त छु ।
कात्तिकमा कस्तो भूमिका छ ?
मेरो त्यसमा सोझी गाउँले यूवतिको भूमिका रहेको छ ।
चलचित्रमा टिक्न सक्छु भन्ने लाग्छ ?
मलाई आत्मविश्वास छ यो क्षेत्रमा टिक्न सक्छु भन्ने । किनकी राम्रो गर्न सक्नेलाई अवसरको कमी छैन यहाँ । आफू गर्न सक्छु भन्ने कन्फिडेन्स छ ममा त्यसैले यो क्षेत्रमा टिक्न सक्छु भन्ने लाग्छ ।
नेपाली फिल्को दर्शक छैन भन्छन् नी अहिले ?
नेपाली फिल्मको बजार घटेको पक्कै हो । तर राम्रो फिल्म उद्योगले दिन सके दर्शक बढ्छ नि । जस्तो लुटले कति राम्रो व्यापार ग¥यो नी ।
माया के हो ? जीवन के हो ?
माया एउटा जीवनको अभिन्न अंग हो भने जीवन एउटा मीठो यात्रा हो । एकचोटी पाएको जीवनलाई सदुपयोग गर्नुपर्छ  दुरुपयोग होईन ।
सेक्स के हो ?
सेक्सलाई प्राकृतिक आवश्यकता हो । आधारभूत आवश्यकता हो
प्रेममा सेक्स आवश्यक छ ?
सेक्सलाई अन्यथा लिनु हुँदैन । यो बेसिक निड हो । प्रेममा सेक्स आवश्यक नै छ त भन्न मिल्दैन तर यदि मन मिलेको खण्डमा सेक्स गर्दा केहि फरक पर्दैन भन्ने मलाई लाग्छ । सेक्सले प्रैमलाई प्रगाढ बनाउँछ । आत्मीयता बढ्छ ।
बिहे अघिको सेक्स उचित हो ?
उचित पनि हैन एकदमै गलत पनि होईन । तर सेक्स सुरक्षित हुनुपर्छ । त्यसले पछि जीवनमा नकारात्मक खसर नपरोस् ।
अन्तमा…………… ?
मलाई सम्झेर आफ्नो लोकप्रीय पत्रिकामा स्थान दिनुभएकोमा मध्यमार्ग साप्ताहिक र तपाईंलाई धेरै धेरै धन्यवाद । अनि सबै मिलेर हाम्रो नेपाली चलचित्र उद्योगलाई जोगाऔं । नेपाली फिल्मलाई माया गरौं नेपाली कलाकारलाई माया गरौं भन्न चाहन्छु । मेरो अभिनय रहेको नेपाली चलचित्र उद्योगको बिल्कुलै पृथक र सबैले हेर्नै पर्ने चलचित्र झेली चाँडै नै रिलिज हुँदैछ । कृपया एक पल्ट सबैले चलचित्र झेलीलाई हेरिदिउँ । मेरो कामको मुल्याङ्कन गरी राम्रा नराम्रा प्रतिक्रिया दिईदिनुहुन अनुरोध गर्न चाहन्छु ।

[email protected]/[email protected]