अनुष्ठानको उद्घाटन गर्न उपराष्ट्रपति आउने

बनेपा ÷ उपराष्ट्रपति परमानन्द झा आगामी माघ २८ गोसाइस्थान नैमिवारण्य क्षेत्र विकास समितिले गर्न लागेको बृहत धार्मिक अनुष्ठानको समुद्घाटन गर्न बनेपा आउने भएका छन् ।
बुधबार मुल आयोजक समितिका संयोजक मुकुन्दप्रसाद उपाध्यायले पत्रकार सम्मेलन मार्फत उपराष्ट्रपति झा बनेपामा आउन लागेको जानकारी गराएका हुन् । वेदवेदाङ्ग विद्यालयको स्थापना, परिस्थिति र भाग्यले ठगेका अपाङ्ग÷असहायहरुका लागि विद्यालय आश्रयस्थलको निर्माण, शैलेश्वर शिखरमा वृक्षारोपण र संरक्षण, सडक, खानेपानी जस्ता पूर्वाधारहरुको निर्माण गरि यस क्षेत्रलाई धार्मिक तथा पर्यटकीय क्षेत्रका रुपमा विकास गर्ने उद्देश्यले अनुष्ठान गर्न लागिएको संयोजक उपाध्यायले जानकारी दिए ।
बनेपाको बुडोलमा माघ २८ गते पूर्वाङ्ग, कलशयात्रा सहित उपराष्ट्रपतिले ९ बजे समुद्घाटन हुने कार्यक्रमको २९ गते श्रीमद्भागवत महापुराण (सप्ताह) आचार्य कपिलदेव सुवेदीबाट बीचबीचमा धार्मिक प्रवचन, फागुन ६ देखि ३० सम्म शिव महापुराण, चैत्र १ देखि भागवत र बीचबीचमा धार्मिक प्रवचन गरिने आयोजकले जनाएको छ ।