फुलखेतीबाट आम्दानी गर्दै दाहाल

असोज ३१, काभ्रे (सुरज श्रेष्ठ) । गाउँका युवाहरु पैसा कामाउनकै लागि विदेश जाने लहर चलिरहेको वेला काभ्रेपलाञ्चोकको बनेपा नगरपालिका ३ नाला चुनातालका स्थानीय दुर्गानाथ दाहालले भने फूल खेती गरेर महिनामा लाखौं कमाई गरिरहेका छन् ।

दाहालले चनातालमा रहेको आफ्नै बारीमा सयपत्री जातका फुल खेती गरेर आम्दानीको स्रोत पहिल्याएका हुन् । दाहालले त्यहाँ दूई रोपनी जग्गामा सयपत्री जातको फुलको खेती गर्नुभएको छ । तीन महिनमा नै फुल्ने उक्त फुलको वीउ भने थाईल्याण्डबाट मगाएर खेती थालनी गरेको बताए । पहिला पहिला घरवरीपरी बारीको कान्लातिर रोपेर आवश्यक काम चलाउन मात्रै प्रयोग गर्दै आएकामा यसपालिबाट ब्यावसायिक रुपमा नै खेती गरेको उनले बताए । फुल खेती पहिलो पटक शुरु गरेको हुनाले शुरुमा २० ग्राम वीउ ल्याएर खेती गरेको उनको भनाई छ ।

‘यस खालको सयपत्री जात नेपालमा नपाईने भएकाले थाईल्याण्डबाट मगाएर खेती गरेको हुँ, दाहाले भने, ‘वीउ महंगो भएपनि राम्रोसंग फुल्ने भएकाले खेती गर्न जाँगर चल्दो रहेछ ।’ उनका अनुसार फूल एकै पटक फूल्ने र खेती गर्न पनि खासै धेरै मेहिनत नचाहीले भएकाले फुल खेतीबाट राम्रै आम्दानी गर्न सकिने बताए । वीउ महंगो भएकै कारण नर्सरी तिर समेत विरुवा किन्न नपाएको उनको भनाई छ । २० ग्राम वीउको ८ हजार लगानी गरेका दुर्गानाथ भन्छन्, ‘नर्सरीमा एउटा विरुवाको २० रुपैयाँ जति पर्दोरहेछ, मैले १ हजार बोट लगाएको छु, ‘एउटा बोटबाट २ देखि ३ सयसम्म कमाई हुन्छ ।’ यसरी हेर्दा दूई रोपनी जग्गामा गरेको फुल खेतीबाट तीन महिनामा २ लाख देखि ३ लाखसम्म कमाई हुने अनुमान छ ।
फूलको खेती देखेर काठमाडौंका विभिन्न स्थानहरुबाट अग्रीम रुपमा बुकिङ्क गर्न भन्दै धेरै फोन आएको दाहालले बताए । ‘धेरैको फोन आएको छ, खेती थोरै मात्रै शुरु गरे, अब आगामि दिनमा १० रोपनी जग्गामा बढाउँछु ।’ दाहालले आगामि योजना सुनाए ।

काठमाडौमा कपडा पसल सञ्चालन गर्दै आएका दाहालले साथीहरुको सल्लाहमा आफुले फूल खेती शुरु गरेको बताए । ‘यो मेरो अर्को ब्यवसायी हो, विशेष गरेर गाउँका युवासाथिहरु जो काम गर्नकै लागि घर परिवार सबै छोडेर विदेश जान्छन्, तर गर्न चाह्यो भने यही पनि काम गरेर धेरै आम्दानी गर्न सकिन्छ भन्ने उदाहरणको लागि पनि मेरो यो अर्को ब्यवसायी हो ।’ युवाहरु आफ्नो भएको पम्पत्ति धितो राखेर विदेशमा जान्छन्, कामाउँछन् र फर्केर आएपछि त्यो पैसा नसकिन्जेल बसेर खान्छन् । त्यो पैसा सकेपछि फेरि कमाउन विदेश जान्छन्, भएको जग्गामा श्रम ग¥यो भने उही पनि कमाउन सकिन्छ ।’ दाहालले थपे, ‘मैले गरेको फुल ब्यवसाय देखेर सबैले सल्लाह लिन आएका छन्, सायद आउँदो दिनहरुमा गाउँमा धेरै फूल खेती गर्नेहरुको संख्यामा बृद्धि हुनेछ ।’

साभार : ताजा पत्रीका डट कम