रक्षक नै भक्षक, जिल्ला प्रशासन कर्मचारी गोलीसहित पक्राउ

लहान-जिल्लाको शान्तिु सुरक्षा लगायतको कार्यमा सकृय रहेर जिल्ला वासिहरुको रक्षा गर्नु पर्ने रक्षक नै भक्षको सुईको पाएपछि प्रहरीले पक्राउ गरी कारवाही प्रकृया अगाडि बढाएको छ ।

जिल्ला प्रशासन कार्यालय सिरहामा कार्यरत दुई कर्मचारीको साथबाट पेस्तोलमा लाग्ने गोली र लागूऔषधसहित पक्राउ परेका हुन् । पक्राउ पर्नेमा कर्जन्हा निवासी सरोज कुमार पासवान र कल्याणपुर निवासी शितल झा रहेका छन् । पासवान जिल्ला प्रशासन कार्यालय सिरहामा कार्यरत कम्प्युटर अपरेटर हुन् । झाले भने सिरहामा रेडियो सञ्चालनको तयारी गरिरहेका थिए ।
दुबै जनाको साथबाट कटुवा पेस्तोलमा लाग्ने दुई थान गोली र ९८ थान नाइट्रोजन लगायतका लागूऔषधको ट्याबलेट बरामद गरिएको थियो । दुबैजनालाई हिरासतमा राखेर अनुसन्धान प्रकृया अगाडि बढाएको जानकारी प्राप्त भएको छ ।