पनौती नगर मासुका लागि आत्मनिर्भरतिर आकर्षित

पनौती-पनौती नगरलाई स्थानीय उत्पादनमा आत्मनिर्भर बनाउने लक्ष्य सहित उत्रिएको कृषि तथा पशु पंछी शाखा कहिले भैंसी सुत्केरी भत्ता, कहिले कृषि र पशुपंछीमा इन्स्योरेन्स र अनुदानको योजना सहित बस्ती बस्ती पुग्नु पशु विज्ञ मणी सापकोटाको दैनिकी बन्दै आएको छ ।

यसैको अर्काे पाटो उन्नत जातको बिउ बोका लिन प्युठानको मुर्कुची पुग्यो, उपप्रमुखसहितको टोली जसले पनौतीको हावापानी सुहाउँदो बोयर जातको बोका पाएको छ ।

शुक्रबार पनौती नगरपालिकको प्राङ्गणमा ठूलै जमघट थियो । वडाध्यक्षहरु भन्दै थिए–बोका पाउने वडाका अध्यक्षहरु नआई नहुने निर्देशन मान्नै प¥यो । जसको प्रतिनिधि पात्रको रुपमा वडा नं. ९ का वडाध्यक्ष सहकुल हुमागाई–पनौती साँचै कृषि र पशुपंछीमा आत्मनिर्भर बन्ने संकेत दिँदै छ । अब बन्ने नीतिमा कृषि उत्पादन हुने भूमिलाई कङ्कृटको जंगल नबनाउने प्रण सहित ऐन ल्याएर कार्यान्वयन गर्न सके कति राम्रो हुन्थ्यो भन्दै थिए ।

यसैबिच नगरप्रमुख भिम न्यौपानेको आगमन हुन्छ । सबै हतारिन्छन्, उत्सुकताको घडी हेर्दै कसले कस्तो खालको बोका पाउने होला ? कौतुहलता, उकुुसमुुसका बीच नगर प्रमुखको सुमधुर अभिव्यक्ति आउछ । पनौती नगर मासुका लागि अब आत्मनिर्भर बन्ने संकेत हो । अब गुणस्तरिय, स्वस्थ व्याडे बोका हाम्रो नगरमा उत्पादन हुन्छन् । यसले कृषकको जीवनस्तरमा परिवर्तन ल्याउने विश्वास आपूmले लिएको भन्दै यो सबैको श्रेय पञ्चकन्या बहुउद्देश्यीय सहकारी संस्थाको देन भएको बताउनु भयो । उसले प्रत्येक किसानलाई बीस वटा बाख्रा वितरण गर्ने र १८ महिनामा एउटा पाठी लिँदै आएको र यदि पाठी नभएमा ६ हजार रुपिँया बुझाउने परम्परा राखेको रहेछ । त्यसले आपूmलाई प्रभावित पारेकोले नै यो योजना अगाडि सारेको बताउनु भयो ।

कार्याक्रममा बरिष्ठ प्रशासकीय अधिकृत इन्द्र प्रसाद अधिकारी–कृषकलाई व्यवसायीक बनाउने योजना मुताबिक हामीले यो अभियान चलाएका छौं । पनौतीलाई मासुमा आत्मनिर्भर बनाउने विषयमा आपूm जस्तो सुकै जोखिम उठाउन पनि तयार रहेको खुलासा गर्दै बोकाहरुको नश्ल सुधारका लागि के कस्तो आवश्यक पर्छ त्यसलाई सुधार गर्न २ वटा बोका नमूनाको रुपा ल्याएका छौं । यसले पक्कैपनि यो क्षेत्रमा सकारात्मक प्रभाव पार्ने विश्वास लिएका छौं । यसले उत्पादनमा वृद्धि हुने विश्वास लिएका छौं । अहिले सवाल मासुको उत्पादन भन्दा पनि कृषकको आत्मनिर्भरता जरुरी छ । अनि मात्र वृद्धिका कुरा सुन्नु पर्छ । जुन बीउ ल्याएका छौं यसले उत्पादनमा अनुकरणीय फड्का मार्ने विश्वास नगरको छ । बोयर बोकाको नश्लबाट उत्पादन हुने पशुहरुमा छिटो वृद्धि विकास हुने भएकोले पनि यो व्यवहारिक हुने विश्वास अधिकारीको छ ।
यसैगरी उक्त कार्यक्रममा पशु विज्ञ मणी सापकोटाले बोयर बोकाका लागि आवश्यक पर्ने औषधिमुलो देखि पालन पोषणसम्मका बारेमा किसानहरुलाई सुसुचित गराउनु भएको थियो ।