युवा नैतिकवान् हुनुपर्छ – प्रमुख न्यौपाने

पनौती-अन्तर्राष्ट्रिय युवा दिवस २०७६ लाई पनौतीमा सम्बोधन गर्दै पनौती नगरपालिकाका प्रमुख एवं कार्यक्रमका प्रमुख अतिथि भिम न्यौपानेले युवा दिवस मनाइरहँदा युवाहरु कति नैतिकवान् छन् भन्ने तर्फ औंला उठाउनुभएको छ । सोमबार पनौती नगरपालिकाको सभाकक्षमा आयोजित सभालाई सम्बोधन गर्ने क्रममा युवा उद्यमीका लागि पनौती नगरपालिका नमूना भएको स्मरण गराउँदै प्रमुख अतिथि न्यौपानेले योजना लिएर आउन युवालाई आग्रह समेत गर्नुभयो । वहाँको थप कथन थियो बजेट छ आउनुस् भन्दा पनि युवाहरु व्यवसायिक रुपमा आउन नसकेको गुनासो राख्दै समय अनुकूल युवा रुपान्तरित हुन जरुरी छ । तबमात्र यस किसिमको दिवसहरुले सार्थकता प्राप्त गर्ने धारणा राख्नुभएको थियो ।

कार्यक्रममा युवा संघ नेपालका केन्द्रीय सदस्य राकेश लामाले युवाहरुको सपना पूरा गर्न युवाहरुलाई व्यवस्थित रुपमा अगाडि लैजान भूमिका खेल्नुपर्ने छ । जे आयो राम्रो आयो भन्ने किसिमले लिन आवश्यक छ । ढिला आयो कडा आयो होइन त्यसैले हामी युवाले प्रत्येक पाइलामा मनन गर्न आवश्यक छ । त्यस्तै राजनैतिककर्मी नेकपाका नेता देवलाल घिसिङ “अनुशिल” युवाहरुले आफूलाई समानुकूल परिवर्तन गर्न आवश्यक छ । मुलुकमा जुन अवस्था छ त्यसलाई चलायमान बनाउन हुन युवाले आफूलाई जवाफदेहिता तर्फ लाग्नु जरुरी छ । तब मात्र यस्ता किसिमका कार्यशालाले मुर्त रुप लिन सक्छ भन्नुभयो ।

कार्यक्रममा युवापरिषद् नेपालका केन्द्रीय सदस्य पवित्रा भुर्तेल, पनौती नपाका वरिष्ठ कार्यकारी अधिकृत इन्द्रप्रसाद अधिकारी, पनौती नपाका वडा अध्यक्षहरु किशोर थापा, रामचन्द्र नास्नानी, नेपाल पत्रकार महासंघ काभ्रेका अध्यक्ष मोतिराम तिमल्सिना लगायतका वक्ताहरुले युवाको महत्व र उसले खेल्नुपर्ने भूमिकाको बारमो चर्चा गरेका थिए ।

कार्यक्रममा सहकार्य पनौती युवा मञ्चले गरेको थियो भने कार्यक्रमको आयोजना पनौती नगरपालिकाले गरेको थियो । कार्यक्रमको सभापतित्व पनौती युवा मञ्चका अध्यक्ष सौगात बस्नेतले गर्नुभएको थियो ।