सूर्य लाकोजू सम्मानित

पनौती-लामो समयदेखि काभ्रेलाई आफ्नो कर्म थलो बनाएर नेपाली भाषा र साहित्यको सेवा गरे बापत संसाक मासिकले आफ्नो वार्षिक उत्सवको अवसरमा साहित्यकार सूर्यप्रसाद लाकोजूलाई एक कार्यक्रम बिच सम्मान गरेको छ ।
साहित्य साधनामा निरन्तर लागिरहेका कवि लाकोजू साहित्यका विविध पाटाहरूमा आफूलाई सफलतापूर्वक उभ्याउन सफल बनेका छन । अक्षरमार्गका सम्पादकर प्रकाशक समेत रहेका उनले हालसम्म सहित्यका विविध बिधाका २२ ओटा साहित्यका कृति प्रकाशित छन ।

उनीसँगै नियात्राकार घनश्याम राजकर्णिकार, बालसाहित्यकार रामबाबु सुवेदी, डा घनश्याम परिश्रमी, प्रेम राई, कथाकार भागीरथी श्रेष्ठ, डा धनेष्वर भट्टराई, गंगा कर्माचार्य, मणि लोहनी, लालकाजी श्रेष्ठ लगायतका स्रष्टा पनि सम्मानित गरिएका थिए । सम्मानित स्रष्टाहरूलाई कार्यक्रमका प्रमुख अतिथि डा तुलसी भट्टराईले नगदसहित सम्मान पत्र, दोसल्ला दोसल्ला, फूलमालाले सम्मान गरेका थिए । कार्यक्रम डा गार्गी शर्माको सभापतित्वमा सम्पन्न भएको थियो ।