कन्याहरु पुज्दै जन्मदिन

पनौती-पछिल्लो पटक भड्किलो बन्दै गएको शुभकार्यहरुमा जन्मदिन पनि अग्रपंक्तिमा पर्दै आएको परिवेशमा लायन्स क्लब अफ काठमाडौं इन्द्रेश्वर ३२५ बि १ को प्रयासमा जन्मदिन सामाजिक सेवा रुपान्तरित भएको छ । जुन कार्यका कारण लायन्स क्लब अफ काठमाडौं इन्द्रेश्वरप्रति जनचासो बढेको क्लबका अध्यक्ष रामकुमार बस्नेत बताउनु भएको छ ।

सोही मर्मलाई आत्मसाथ गर्दै लायन्स क्लब अफ काठमाडौं इन्द्रेश्वर ३२५ बि १ का लायन लिडर इन्द्रप्रसाद आचार्यले आफ्नो जन्मदिन कन्याहरुको पूजा आराधना गरी मनाएका छन् । पनौती वडा नं. ४ मा रहेको पशुपतिनाथ मन्दिर प्रांगणमा जम्मा भएका सयौं कन्याहरु माझ आफ्नो जन्मदिन मनाइरहेका लायन इन्द्रप्रसाद आचार्यलाई जन्मोत्सवका बारेमा प्रश्न गर्दा उनको तर्क थियो– नेपालीहरुले अपनत्व छोड्दै गएको अवस्थामा लायन्स क्लब अफ काठमाडौं इन्द्रेश्वर ३२५ बि १ ले जुन कार्यको थालनी गरेको छ, त्यसप्रति आभारी छु । यो अभियानलाई लायन्समा आबद्ध भएकाले मात्र होइन, अन्य मानविय भावना राख्ने जो कोही पनि लामबद्ध हुनुपर्ने बताउनुभयो ।

उक्त अवसरमा लायन इन्द्रप्रसाद आचार्यले पशुपतिनाथ धर्मशाला संरक्षण समितिको कोषमा जम्मा हुने गरी ५ हजार १ सय नगद पनि जम्मा गर्नका लागि संरक्षण समितिका उपाध्यक्ष मोहनकुमार बस्नेतलाई नगद हस्तान्तरण गर्नुभएको थियो । निःस्वार्थ भावले स्थापित लायन्स क्लब अफ काठमाडौं इन्द्रेश्वर ३२५ बि १ ले आफ्नो स्थापनाकाल देखि नै समाजप्रति अनुकरणीय कार्य गर्दै आएकै कारण लायन्सवादको अनुशरण गर्दै सदस्यताका लागि आवेदनको लर्काे लागेको बताउनुहुन्छ क्लबका अध्यक्ष रामकुमार बस्नेत । उक्त कार्यक्रममा लायन्स क्लबप्रति आस्था राख्ने व्यक्तित्वहरुको बाक्लो उपस्थिति थियो ।