बालमैत्री घोषणाको अन्तिम तयारीमा

पनौती-पनौती नगरपालिका बालमैत्री स्थानीय शासन घोषणाको अन्तिम तयारीमा जुटेको छ । सोही अभियान अन्तर्गत वडा नं. ७ ले आफ्ना वडाभित्र बाल सूचांकहरुलाई अक्षरस्त पालना गर्न २० वटा बाल समूह गठन गरेको छ । यसैगरी विद्यालयस्तरमा पनि १५ वटा बाल समूह गठन भई घोषणा गरी बालमैत्री स्थानीय शासनलाई अन्तिम रुप दिने जमर्काे गरिरहेको सामाजिक परिचालक गीता दाहालले जानकारी दिनुभएको छ ।

उहाँका अनुसार प्रत्येक टोलटोलमा समिक्षा सहित बालमैत्रीका बारेमा आचारसंहिता र अभिमुखीकरण कार्यक्रम अन्तिम चरणमा पुगेको बताउनुभएको छ । बालमैत्री स्थानीय शासन सम्पर्क व्यक्तिको रुपमा वडा प्रतिनिधि सुवर्णमैयाँ कर्माचार्यलाई छनौट गरिएको र सिएफएलजीका संयोजकमा वडा अध्यक्ष रामचन्द्र नास्नानी आफैं खट्नुभएको छ भने टोलटोलमा विभिन्न समूह बनाउँदै वडा प्रतिनिधिहरु आफैं घरघर पुग्नुभएको छ र सहजीकरण्मा महत्वपूर्ण भूमिका खेलेको पनौती प्रहरी चौकीका प्रमुख हरिशरण बस्नेतले बालमैत्री स्थानीय शासन पनौती नगरमा नमूनाको रुपमा प्रस्तुत हुन गइरहेको आफूले पाएको बताउनुभएको छ । यस वडा नं. ७ मा बालबालिकाको सूचांकहरु बालविवाह, बालश्रमिक, विद्यालय नगएका बालबालिका लगायतका विषयमा तथ्यांक संकलन र घरधुरी सर्वेक्षण अन्तिम चरणमा पुगेको वडा सदस्य पुरुषोत्तम कर्माचार्यले बताउनुभएको छ ।