सर्वस्व गुमाउनेहरु व्यवस्थाको बिरुद्धमा छन् – बाँस्कोटा

आर.एल.श्रेष्ठ
मण्डन-नेपाली जनताको चाहना अनुसारको व्यवस्था मुलुकमा जारी गर्ने क्रममा सर्वस्व गुमाउनेहरु अहिले आएर सरकारको विरुद्धमा कुर्लने गरेका छन् । जनताले मसानघाटमा पु¥याई सकेका पे्रतले कुर्लदैमा केही हुनेवाला छैन ।

उक्त भनाई सञ्चार तथा सूचना प्रविधिमन्त्री गोकुल बाँसकोटाले काभ्रेको मण्डनदेउपुर नगरपालिकामा आयोजित संविधान दिवस–२०७६ को समारोहलाई सम्बोधन गर्ने क्रममा बताउनु भएको हो । उहाँले थप्नुभयो मुलुकमा नयाँ व्यवस्था आएपछि जनताले सर्वस्व पाएको र ज्ञानेन्द्र शाहीले सर्वस्व गुमाएको बताउनु भयो । यो व्यवस्था आउँदा सबैभन्दा बढी असन्तुष्टि ज्ञानेन्द्र शाही थिए । उनको सत्ता पल्टेको थियो, जनता खुशी छन् ।’सर्वहारा जनताको गुमाउने कुनै चीज पनि त हुँदैन । गुम्यो निरंकुश सत्ताधारीहरुको गुम्यो ।

कार्यक्रममा वाँस्कोटाले थप्नुभयो सरकारले निर्माणको नयाँ संकल्प गरेको र साधारण कामहरु नगरेको ठोकुवा गर्नुभयो । सरकारले कुनै साधारण काम गरिरहेका छैनौं, धेरैलाई लाग्न सक्छ कुरा बेच्यौं । तर हामी विश्वास दिलाउन चाहन्छौं । नयाँ निर्माणका योजनाहरु, कार्यक्रमहरु त्यसका नीतिगत व्यवस्थाहरु क्रमशः शुरु गरेका छौं ।’ ‘हिजो २५ वर्षदेखि कहिल्यै पूरा हुन नसकेको अहिले पनि ३० महिनामा पूरा हुन्छ भनेर भनेको काम पनि हामीले १५ महिनामा सक्यौं । त्यो हो आम्लेखगञ्ज पाईपलाईन । विषय नचलेको थिएन, चलेको थियो । तर हामीले ग¥यौं ।’
केही तत्वहरुले जनताको परिवर्तनको चाहनालाई ‘फु मन्तरकी बाचा’ भएन भनेर गलत प्रचारबाजी गरेको भन्दै व्यवस्था विरुद्ध लागेको बताउनु भयो । ‘केही तत्वहरु यस्ता छन् जसले जनताको तीब्र परिवर्तनको चाहनाको आजको भोली फु मन्तरकी बाचा भएन भन्ने नाममा सरकार विरुद्धको कुरालाई व्यवस्था विरद्ध बदल्न खोजीरहेका छन् ।’