प्रदेश र संघीयताका कारण नागरिक वडापत्रमा अन्यौलता छाएको यथार्थ हो- प्रजिअ तिमल्सिना

धुलिखेल/ट्रान्सपरेन्सी इन्टरनेशनल नेपालको वार्षिक कार्ययोजना अन्तर्गत बुधबार धुलिखेलमा आयोजित सदाचार सम्बन्धी कार्यक्रमलाई सम्बोधन गर्ने क्रममा प्रमुख जिल्ला अधिकारी श्रवणकुमार तिमल्सिनाले प्रदेश र संघीयताका कारण नागरिक वडापत्र प्रस्तुत गर्न अन्यौलता छाएको यथार्थ भएको बताउनुभएको छ ।

सामाजिक जवाफदेहिताका बारेमा सहभागीद्वारा उठाइएका जिज्ञासाहरु मेटाउने क्रममा प्रमुख जिल्ला अधिकारी तिमल्सिनाको थप कथन थियो– टीआइ नेपालले आयोजनाका गरेको यो कार्यक्रम प्रभावकारी रहेको जानकारी दिदै सेवा प्रवाह, सुशासन र भ्रष्टाचार नियन्त्रणको लागि प्रत्येक महिना कार्यालय प्रमुखहरु सँग छलफल गरेको बताउनुभएको थियो । सामाजिक जवाफदेहीता ओजार मध्येमा सार्वजनिक सुनुवाइ नियमित रुपमा गरेको जानकरी दिनुका साथै सबै कार्यालयले प्रविधिमा भइरहेको परिवर्तन सँगै आफुलाइ पनि परिरवर्तन गर्न सकेको खण्डमा पारदर्शी हुने बताउनुभएको थियो ।

यसका साथै अहिले त नागरिक आफैपनि धरै जागारुक भएको बताउदै नागरिक आफैले पनि जगझगाएको जानकारी दिनुभयो । सबैसँग समन्वय गरेर सामाजिक जवाफदेहीता औजारलाइ प्रभावकारी प्रयोग गर्न गराउनको लागि आफुले प्रयत्न गर्ने बताउनुभएको थियो । प्रमुख जिल्ला अधिकारी तिमल्सिनाले यो अन्योलताले कुनै पनि नागरिकहरु सेवा विमुख नहुने स्पष्ट पार्दै यस किसिमका अन्योलतालाई जिल्ला प्रशासन कार्यालय समन्वय गरी अगाडि बढाउन तयार भएको खुलासा समेत गर्नुभयो ।

कार्यक्रममा खानेपानी तथा सरसफाइ डिभिजन कार्यालयका प्रमुख ओम कुमार ताम्राकारले जिल्लामा खानेपानीको सम्पर्क कार्यालय मात्र भएकाले कार्यालय बोर्ड नै नराखी सर्वसाधारणलाई सेवा दिने काम भइरहेको जानकारी दिदै राख्न मिल्छ कि मिल्दैन भन्ने सवालमा सरोकारवाला निकायहरुले चासो राख्नुपर्ने बताउनुहुँदै प्रदेश र संघीयताले जुन समस्या सिर्जना भएको छ त्यसको अन्तका लागि निर्वाचित जनप्रतिनिधिहरुले सघाउनुपर्ने धारणा राख्नुभयो ।

कार्यक्रममा सहभागीहरुबाट उठेका जिज्ञासाहरुलाई सम्बन्धित सरोकारवाला निकायको तर्फबाट स्वास्थ्य कार्यालयका प्रमुख डा. नरेन्द्र कुमार झाले जिल्लामा भएका नागरिक वडापत्रमा के कुरा समेटेर राख्ने भन्ने नै अन्योल भएकाले पुरानै वडापत्र राख्नुपर्ने तथा त्यसलाइ परिवर्तन गर्न नसकेको जानकारी गराउनुभएको थियो ।

कार्यक्रमको सुरुवातमा जिल्ला अधिकृतबाट ट्रान्सपरेन्सी इन्टरनेशनल नेपालले जिल्लामा सम्पन्न गरेका गतिविधिको बारेमा जानकारी गराएको थियो । त्यसपछि कार्यक्रमको औचित्य, स्वागत तथा सामाजिक जवाफदेहीता औजारसँग सम्बन्धीत प्रस्तुतीकरण संस्थाका वरिष्ठ अधिकृत विनोद भटराइले गर्नुभएको थियो । कार्यक्रमको सञ्चालन जिल्ला अधिकृत गंगा लामाले गर्नुभएको थियो ।

युरोपियन युनियनको आर्थिक सहयोगमा भुकम्पबाट अति प्रभावित १४ जिल्लाहरुमा “भुकम्पपछिको पुनःर्निर्माण र पुनर्वासमा सदाचार र्कायक्रम” संचालन भईरहेको छ । यसैको निरन्तरता स्वरुप गत असोज २९ गते बुधबार ट्रान्सपरेन्सी इन्टरनेशनल नेपालको, आईपिइआरआर कार्यक्रम अन्र्तगत धुलिखेल नगरपालिकामा रहेको धुलिखेल उद्योग वाणिज्य सँघको सभाहलमा सामाजिक जवाफदेहीता औजार विषयक छलफल कार्यक्रम सम्पन्न भएको थियो । कार्यक्रममा काभ्रे जिल्लाका प्रमुख जिल्ला अधिकारी, जिल्लामा रहेका सम्पूर्ण सरकारी कार्यालयका प्रमुख तथा प्रतिनिधिहरु, गैरसरकारी सस्थाका प्रतिनिधी सञ्चारकर्मीहरुको उपस्थिति रहेको थियो ।