काभ्रेली स्रष्टालाई तथागत अन्तर्राष्ट्रिय सृजन सम्मान

पनौती/साहित्यकार सूर्यप्रसाद लाकोजूलाई सिद्धार्थ तथागत कला साहित्य संस्थान सिद्धार्थनगर इटवाले अन्तर्राष्ट्रिय तथागत सृजन सम्मानबाट सम्मानित गरिएको छ । सिद्धार्थ तथागत कला साहित्य संस्थानले आफ्नो छैठौं वार्षिक उत्सवको अवसरमा साहित्यको क्षेत्रमा अन्तराष्ट्रिय स्तरमा अविस्मरणीय योगदान गरे वापत नेपालको काभ्रेमा रहेर साहित्य सेवा गरे वापत सो सम्मान दिइएको हो ।

दुई दशकदेखि साहित्य र पत्रकारितामा कलम चलाउँदैै आएका साहित्यकार लाकोजू पत्रकारितामा समेत कृयाशिल छन् आफूले साहित्य सिर्जना गरेर, साहित्यको संगठन गरेर लाकोजूले नेपाली भाषा र साहित्यको क्षेत्रमा निरन्तर काम गर्दै आएका छन् । कवि सूर्य लाकोजूका कविता, बालकविता, मुक्तक, हाइकु, गीत, निबन्ध गरी २४ ओटा साहित्यका कृति प्रकाशित छन । उनले दर्जनौं पुस्तक सम्पादन पनि गरेका छन् । सोही सकमरोहमा अर्का साहित्यकार तथा अक्षरमार्गका सह सम्पादक ध्रुवकृष्ण ताम्राकार पनि सम्मानित भएका छन् । उनका पनि कथा, कविता, मुक्तक गरी करिव आधा दर्जन साहित्यिक कृति प्रकाशित छन् ।