पाँच महिनामा १ हजार ३० को ज्यान गयो

धुलिखेल/सिन्धुपाल्चोकमा आईतबार भएको सवारी दुर्घनामा परि १५ जनाले ज्यान गुमाएका छन् । उक्त वसमा यात्रा गर्ने ३२ जना मध्य १७ जना घाईते भएका छन् । भक्तपुरको च्यामासिंवाट कालिञ्चोक मंदिर दर्शनको लागि बा.४ खा ४४६८ नं को बस रिजर्भ गरी शनिबार कालिञ्चोक पुगेका थिए ।

मंदिरको दर्शन गरेर फर्कने क्रममा लिशंखुपाखर गाउंपालिकाको मुडे बजारमा बास बसेर आईतबार फर्कने क्रममा लामोसाँघु जिरी सडकको स्वाँरा मोडमा उक्त बस दुर्घटनामा परेको थियो । दुर्घटना हुनासाथ स्थानियहरुको साथै प्रहरीहरु उद्धार कार्यमा जुटे तर घटनास्थलमै १२ जनाले ज्यान गुमाए भने दुई जना उपचारको लागि लाँदै गर्दा बाटैमा र अर्का एकजनाको काठमाडौ स्थित केएमसि अस्पतालमा उपचार गर्दै गर्दा मृत्यु भयो ।

बिभिन्न सवारी दुर्घटना भएमध्य बिशेष गरेर रिजर्भमा जानेगरेको गाडी, सडकका अनुभव नभएका चालक, दयनिय सडकको अवस्था, क्षमता भन्दा बढी यात्रु, तिब्र गति, थोत्रा सवारी साधनको कारणले गर्दा दुर्घटना हुनेगरेको पाईन्छ । अईतबार भएको दुर्घटना पनि जिरी सडकको अनुभव नभएको सवारी चालक, साँघुरो सडकमा ओभरटेक गर्दै तिब्र गतिकै कारणले भएको पाईन्छ । धुलिखेल अस्पतालमा उपचारमा रहेका घाईतेहरुको भनाई यस्तो छ “मुडेवाट हामी हिडेको केहिबेरमानै बसमा कस्तो कस्तो आवाज आयो, हामीले गाडी रोक्न भनेउ तर चालकले गाडी रोकनुको वदला उल्टै अरु गाडीहरुलाई उछिन्दै दौडायो, केही तल पुगेपछि गाडीमा कस्तो कस्तो गंद्ध आयो तर गाडी रोकेन त्यसैले गर्दा दुर्घटना भयो”।

पछिल्लो एक महिनाको अवधिमा मुलुकभरमा सवारी दुर्घटनाको कारन ज्यान गुमाउने संख्या २ सय ३० पुगेको छ भने घाईते हुनेहरुको संख्या १ हजार ४ सय २६ रहेको छ । एक महिनामा यति ठुलो संख्यामा मृत्यु हुनु र घाईते हुनाले गर्दा सार्वजनिक यातायात थप जोखिम पुर्ण बन्दै गएको छ । मंसिर १२ मा अर्घाखाँचीको नरपानीमा बस दुर्घटना हुँदा १९ जनाको मृत्यु भयो । मंसिर १७ मा बाग्लुङको बडीगाड गाउँपालिकामा जिप दुर्घटना हुँदा १४ जनाले ज्यान गुमाए । यस्तै विभिन्न घटनामा गरी २ सय ३० ले ज्यान गुमाए । त्यसैगरी साउनदेखि आईतबार सिन्धुपाल्चोकमा भएको घटना सम्ममा ७ हजार ५ सय ५ दुर्घटना भएकामा १ हजार ३० जनाले ज्यान गुमाएको प्रहरीले जनाएको छ । यसमा पुरुष ७ सय ४४, महिला १ सय ९०, बालक ६० र बालिका ३७ जना रहेका छन् । त्यसैगरी घाईते हुनेको संख्या ७ हजार ९ सय ६१ जना पुगेको छ ।

छोटो समयमा धेरै संख्यमा दुर्घटनामा मृत्यु हुंदा पनि यसको बिषयमा सम्बन्धित निकाए मौन छ । दुर्घटनालाई कसरी न्युनिकरण गर्न सकिन्छ भन्ने बिषयमा खासै चासो दिएको पाइन्न । जसको कारण थप घटनाहरु हुदै छ, दुर्घटना हुनाको कारणको पहिचान गरी न्युनिकरकनको लागि पहल गर्ने हो भने समस्या केही हदमा कम हुनसक्छ । सरोकारवाला भौतिक पूर्वाधार तथा यातायात मन्त्रालयले दुर्घटनालाई थाहै नपाएजसरी मातहतका कार्यालय र प्रहरीसँग दुर्घटना न्यूनीकरणका लागि छलफल समेत गर्न गरेको छैन ।

दुर्घटना कम गराउने बिषयमा गृह मन्त्रालयले पनि खासै चासो दिएको छैन । वास्तवमा यसरी सवारी दुर्घटना बढ्न थालेपछि गृह मन्त्रालय र यातायात मन्त्रालयले पहल गर्दै यातायात व्यवसायी र चालकलाईका विचमा बसेर गहन छलफल गर्न जरुरी रहन्छ । गत बर्षको तथ्याङ्क हेर्दा दैनिक सरदर सवारी दुर्घटनाका कारण ७ जनाले ज्यान गुमाएको र दैनिक ४० जना घाईते हुनेगरेको पाईन्छ तर सो संख्या घट्नुको बदला बढ्दै गएको छ । यस्तो अवस्थामा पनि सम्बन्धित पक्षको मौनता रहने हो भने थप समस्याहरु आउन सक्छ ।