सवारी दुर्घटनालाई न्युनिकरण गर्छु- एसपी

धुलिखेल/जिल्ला प्रहरी कार्यालय काभे्रका प्रमुख (प्रहरी उपरिक्षक) एसपी रविकुमार पौडेलले जिल्लामा शान्ति सुरक्षालाई मजबुत पार्ने बताउनु भयो ।

प्रदेश १ को ट्राफिक प्रहरी इन्चार्जको रुपमा जिम्मेवारी सम्हाल्दै रहनुभएका एसपी पौडेल हालै काभे्रमा सरुवा हुनुभएको छ । काभे्रमा आए लगतै पत्रकारहरुसंग भएको भेटघाटको क्रममा उहाँले उक्त धारणा राख्नुभएको थियो ।

पत्रकार भेटघाटको क्रममा एसपी पौडेलले थप्नुभयो “कुनैपनि अवस्थामा जहाँ गलत हुन्छ त्यहाँ आफुले हिट गर्छु“। प्रहरीको काम जनतालाई शान्ति सुरक्षा दिने हो, जस्तोसुकै अवस्थामा पनि मजबुत सुरक्षा दिन काभे्र प्रहरी तैयार रहेको बताउनु भयो । शान्ति सुरक्षालाई चुस्त बनाउन योजनाबद्ध रुपमा अगाडि बढ्ने बताउंदै बिभिन्न सुरक्षा योजनाहरुको बारेमा जानकारी गराउनु भयो ।

पत्रकार भेटघाट कार्यक्रममा शान्ति सुरक्षा, अपराध रोक्ने, लागुऔषद विरुद्ध लाग्ने लगायतका योजनाहरुको बारेमा जानकारी गराउनु भयो । ‘शान्ती सुरक्षालाई प्रमुखतामा राख्दै क्राइम रोक्ने कार्यमा जुट्ने ठोकुवा गर्नुभयो । काभे्रमा खासै गुण्डा गर्दी छैन भन्ने सुनेको छु , रहेछ भने कडा रुपमा प्रस्तुत भएर ठेगान लगाउने बताउनु भयो ।

काभे्र जिल्लामा दुर्घटनाको मुख्य समस्या भएको जानकारीमा आएको छ, सवारी दुर्घटनालाई न्युनिकरण गर्नको लागि नयाँ ढंगको कार्यक्रम ल्याउने बताउनु भयो । दुर्घटनालाई न्युनिकरण गर्नु भनेको यात्रुको रक्षा गर्नुहो त्यसैले सो कार्यलाई प्रमुख प्राथमिकता दिने बताउनु भयो । जिल्लामा छिटपुट रुपमा संविधान विरोधी गतिविधि गर्नेहरुको पनि हल्ला सुनेको छु, त्यस्ता गैह्रकानुनि ढंगको कार्यगर्नेलाई प्रहरीले नियन्त्रण गर्ने बताउनु भयो ।