मेयरकपको उपाधि वडा नं ८ लाई, प्रथम हुनेलाई नगद ३० हजार सहित सम्मान

नमोवुद्ध/नमोबुद्ध नगरपालिकामा सम्पन्न प्रथम मेयरकप फुटबल प्रतियोगिता सम्पन्न भएको छ । मंसिर २४ गतेदेखि सुरु भएको प्रतियोगीता सोमबार सम्पन्न भएको छ ।

जिल्ला समन्वय समिति काभ्रेका प्रमुख उद्धब के.सीको प्रमुख आतिथ्यतामा समापन कार्यक्रम सम्पन्न भएको थियो । कार्यक्रममा नमोबुद्ध नगरपालिका प्रमुख टिपी शर्मा तिमल्सिना, जिल्ला फुटबल संघका अध्यक्ष बिकाश नारायण श्रेष्ठ, जिल्ला समन्वय समिति सदस्य कृष्ण बहादुर तामाङ,नगरपालिकाका प्रमुख प्रशासकिय अधिकृत भोला प्रसाद चापागाँई, २६ नम्वर बाहिनीका बाहिनीपति सुरज बहादुर सुनुवार, वडा अध्यक्षहरु लगायतका उपस्थितिमा कार्यक्रम सम्पन्न भएको छ ।

समापन कार्यक्रममा प्रमुख अतिथि उद्धब केसीले विजयी टिमलाइ बधाइ दिदैँ खेलकुदको माध्यमबाट नगरलाइ चिनाउन सहज हुने बताउनु भयो । नगर प्रमुख टिपी शर्मा तिमल्सिनाले नगरको खेलकुद क्षेत्रको बिकासका लागि नगरपालिकाले निरन्तर रुपमा सहयोग गर्दै जाने बताउनु भयो ।

खेलमा प्रथम हुने वडा नम्बर ८ टिमलाई नगद ३० हजार सहित मेडल प्रमाणपत्र र ट्रफी पाएको थियो । त्यस्तै गरी द्वितिय वडा नम्बर १ का टिमलाई नगद २० हजार सहित मेडल प्रमाणपत्र र ट्रफी त्यसैगरी तेस्रो हुन सफल वडा नम्बर ९ का टिमलाई नगद १० हजार सहित मेडल प्रमाणपत्र र ट्रफी प्रदान गरेको थियो ।

विजयी टिमलाइ नेपाली काङ्ग्रेस नमोबुद्ध नगर सभापति कुन्साङ्ग लामाले नगद रु १०–१० हजार थप पुरस्कार प्रदान गर्नुभएको थियो । कार्यक्रममा तेहृौँ साग प्रतियोगीताकी साइक्लिङमा स्वर्ण बिजेता नमोबुद्ध ७ की निस्मा श्रेष्ठलाइ नगरपालिकाले ३० हजार नगद सहित सम्मान गरेको थियो । नगरको नाम उच्च राख्न सफल भएको भन्दै उनलाइ कुन्साङ्ग लामाले सम्मान स्वरुप नगद रु १० हजार प्रदान गर्नुभएको थियो । खेलमा उत्कृष्ट बिधाको पुरस्कार च्याम्पियन विजयी टिम वडा नम्बर ८ ले नै हात पार्न सफल भएको थियो । जसमा उत्कृष्ट गोलकिपर सरोज तामाङ, उत्कृष्ट गोलकर्ता मनकुमार तामाङ र उत्कृष्ट खेलाडी टिम क्याप्टेन सुनिल लामा रहनु भएको थियो ।